विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

मृतस्य लोकः सवितुस्तथैव ॥ ७ ॥ इति श्रीविष्णुधर्मोत्तरे तृतीयखण्डे मार्कण्डेयवज्रसंवादे सूर्यपूजाप्रशंसावर्णनो नामैकसप्तत्युत्तरशततमोऽध्यायः ॥ १७१ ॥

॥ मार्कण्डेय उवाच ॥
॥ धरो ध्रुवश्च सोमश्च आपश्चैवानलोऽनलः ॥ प्रत्यूषश्च प्रभासश्च वसवोऽष्टौ प्रकीर्तिताः ॥ १ ॥
अष्टात्मा वासुदेवोऽयं प्रभवेनाप्ययं च ॥ अष्टम्यां पूजयेद्यस्तु सोपवासो नराधिप ॥ २ ॥
चैत्रमासाद्धारभ्य शुक्लपक्षे च यादव ॥ मण्डलेऽथ वा चित्रे यथावन्मनुजाधिप ॥ ३ ॥
गन्धमाल्यनमस्कारधूपदीपान्नसम्पदा ॥ बहिःस्नानेन राजेन्द्र तथाधःशयनेन च ॥ ४ ॥
व्रतान्ते च तथा दद्याद्धेनुं विप्राय भक्तिरतः ॥ व्रतमेतत्परः कृत्वा सर्वान्कामानवाप्नुयात् ॥ ५ ॥
पुण्डरीकमवाप्नोति कुलमुद्धरति स्वकम् ॥ वसूनां लोकमासाद्य मोदतेऽमरसन्निभः ॥ ६ ॥
मानुष्यमासाद्य भवत्यरोगो जितेन्द्रियः सत्यपरो विनीतः ॥ धनेन धान्येन तथान्वितः स्यात्स्त्रीणामभीष्टश्च तथा सुहृद्गणैः ॥ ७ ॥

इति श्रीविष्णुधर्मोत्तरे तृतीयखण्डे मार्कण्डेयवज्रसंवादे सुव्रतवर्णनो नाम द्विसप्तत्युत्तरशततमोऽध्यायः ॥ १७२ ॥

॥ मार्कण्डेय उवाच ॥
॥ शुक्लपक्षाद्धारभ्य सोमाष्टमीं नराधिप ॥ पूजयेत्सोपवासस्तु देवदेवं त्रिलोचनम् ॥ १ ॥
लिङ्गे वाप्यथ वार्चायां कमले यदि वा स्थले ॥ घृतक्षीराभिषेकेण स्नानेन विविधेन च ॥ २ ॥
गन्धमाल्यनमस्कारधूपदीपान्नसंपदा ॥ गीतेन नृत्यवाद्येन हविस्तर्पणेन च ॥ ३ ॥
ब्राह्मणानां च पूजाभिर्यथावन्मनुजोत्तम ॥ व्रतावसाने दद्याच्च तथा धेनुं पयस्विनीम् ॥ ४ ॥
पुण्डरीकफलावाप्तिः स्वर्गलोकं च गच्छति ॥ कृष्णाष्टमीषु चाप्येवं पूजयित्वा महेश्वरम् ॥ ५ ॥
विविधैर्भोगामवाप्नोति स्वर्गलोकं च गच्छति ॥ अष्टमीद्वितयं कृत्वा तथा संवत्सरं नरः ॥ ६ ॥
प्राप्याथ वाश्वमेधस्य फलं यथावद्भुक्त्वा भोगान्सुरनाथस्य लोके ॥ लोकानवाप्याथ महेश्वरस्य सायुज्यमायात्यचिरेण तस्य ॥ ७ ॥

इति श्रीविष्णुधर्मोत्तरे तृतीयखण्डे मार्कण्डेयवज्रसंवादे महेश्वराष्टमीव्रतवर्णनो नाम त्रिसप्तत्युत्तरशततमोऽध्यायः ॥ १७३ ॥

॥ मार्कण्डेय उवाच ॥
॥ हिमवान्हेमकूटश्च निषधो नील एव च ॥ श्वेतश्च शृङ्गवान्मेरुर्माल्यवान्गन्धमादनः ॥ १ ॥
नवैताञ्छैलनृपतीन्भूम्यां पूजयेन्नरः ॥ उत्तराः कुरवः पुण्या रम्यो हैरण्वतस्तथा ॥ २ ॥
भद्राश्वः केतुमालश्च तथैव च इलावृतः ॥ हरिवर्षः किंपुरुषो वर्षो भारत एव च ॥ ३ ॥
पूजनीयास्तथैवैते यथा संस्थानतो नृप ॥ कुङ्कुमाक्तनमय्यां तु चैत्रादारभ्य पार्थिव ॥ ४ ॥
सोपवासेन धर्मज्ञ गन्धमाल्यान्नसंपदा ॥ जम्बूद्वीपस्य संस्थानं व्रतान्ते रजतं नरः ॥ ५ ॥
तुलाप्रमाणं दद्यात्तु सर्वान्कामानवाप्नुते ॥ अश्वमेधमवाप्नोति स्वर्गलोकं च गच्छति ॥ ६ ॥
मानुष्यमासाद्य तु चक्रवर्ती नृपो भवेद्रूपगुणानभिरामः ॥ चिरं च कालं वसुधां प्रशास्य लोकानवाप्नोति ततोपि कामान् ॥ ७ ॥ इति श्रीविष्णुधर्मोत्तरे