विष्णु स्मृति (वैष्णव धर्मशास्त्र - नन्दपण्डित कृत वैजयन्ती टीका सहित सटीक)

१० ॥ विष्णुस्मृतौ १ ॥ २ ॥
शृणु देवि धरे धर्मांश्चातुर्वर्ण्यस्य शाश्वतान् ।
आश्रमाचारसंयुक्तान्सरहस्यान्ससंग्रहान् ॥ ६३ ॥
ये तु त्वां धारयिष्यन्ति सन्तस्तेषां परायणान् ।
निषण्णा भव वामोरु काञ्चनेऽस्मिन्वरासने ॥ ६४ ॥
सुखासीना निबोध त्वं धर्मान्निगदतो मम ।
शुश्रुवे वैष्णवान्धर्मान्सुखासीना धरा तदा ॥ ६५ ॥ १ ॥
ब्राह्मणः क्षत्रियो वैश्यः शूद्रश्चेति वर्णाश्चत्वारः । १ ।
तेषामाद्या द्विजातयस्त्रयः । २ । तेषां निषेकाद्यः श्मशा-
नान्तो मन्त्रवत्क्रियासमूहः । ३ । तेषां च धर्माः । ४ ।
ब्राह्मणस्याध्यापनम् । ५ । क्षत्रियस्य शस्त्रनित्यता । ६ ।
वैश्यस्य पशुपालनम् । ७ । शूद्रस्य द्विजातिशुश्रूषा । ८ ।
द्विजानां यजनाध्ययने । ९ । अथैतेषां वृत्तयः । १० ।
ब्राह्मणस्य याजनप्रतिग्रहौ । ११ । क्षत्रियस्य क्षितिपा-
लनम् । १२ । कृषिगोरक्षवाणिज्यकुसीदये।निपोषणानि
वैश्यस्य । १३ । शूद्रस्य सर्वशिल्पानि । १४ । आपद्यन-
न्तरा वृत्तिः । १५ ।
II, 2. द्विजातयः । C¹'²v.
II, 13. ...योनिर्यवव्रीह्यादिबीजं तत्पोषणं रक्षणम् । ... 14. शि-
ल्पानि चित्रकारादीनि । सर्वशब्देन वैश्यवृत्तीनां क्रयादीनामपि
ग्रह्णम् ।... 15... अनन्तरा संनिहिता कनीयसी... वृत्तिः ।...