वीरमित्रोदय: राजनीतिप्रकाश (महामहोपाध्याय मित्रमिश्र - प्राचीन भारतीय राजनीति एवं शासन कोष)

११८ वीरमित्रोदयस्य राजनीतिप्रकाशे
साधुकारी शास्त्राविरुद्धचरणशीलः। साधुवादी, व्यवहा-
रकाले सत्यवादी । त्रयी ऋग्यजुःसामवेदाः । अथर्वणस्तु
वेद एतेष्वेवान्तर्भवति । ऋग्यजुरात्मकत्वात्तस्य । भेदव्यवहा-
रस्तु प्रवचननिमित्तः शान्तिकपौष्टिकप्रमेयभेदनिबन्धनेा वा। आ-
न्वीक्षिकी, वेदाद्यविरुद्धा आत्मज्ञानोपयोगिनी न्यायविद्या।
तयोरभिविनीतो गुरुभिः सम्यक् शिक्षितः ।
मनुस्तु,
त्रैविद्येभ्यस्त्रयीं विद्याद्दण्डनीतिं च तद्विदः ।
आन्वीक्षिकीं चात्मविद्भ्यो वार्त्तारम्भांश्च लोकतः ॥ इति।
विद्यामिति द्वितीयान्तपाठे पूर्वोक्तमनुश्लोकादधिगच्छेदि-
त्यनुषञ्जनीयम् । शुचिः, अन्तः परद्रव्यादिष्वस्पृहः, बहिः
स्नानादिपरः । जितेन्द्रियः इन्द्रियजयवान् । अस्य फलमाह-
मनुः,
इन्द्रियाणां जये योगं समातिष्ठेदिवानिशम् ।
जितेन्द्रियो हि शक्नोति वशे स्थापयितुं प्रजाः ॥ इति ।
गुणवत्सहायः, चारित्रादिमन्तोऽमात्याः, उपायाः, सा-
मादयः सप्त वक्ष्यन्ते, तैरुपसम्पन्नो युक्तः । समः प्रजासु, प्रिये
द्वेष्ये च । हितं, तडागखननादिना । आसां प्रजानाम् ।
याज्ञवल्क्यः,
महोत्साहः स्थूललक्ष्यः कृतज्ञो वृद्धसेवकः ।
विनीतः सत्त्वसम्पन्नः कुलीनः सत्यवाक् शुचिः ॥
अदीर्घसूत्रः स्मृतिमानक्षुद्रोऽपरुषस्तथा ।
धार्मिकोऽव्यसनश्चैव प्राज्ञः शूरो रहस्यवित् ॥
स्वरन्ध्रगोप्ताऽऽन्वीक्षिक्यां दण्डनीत्यां तथैव च ।
विनीतस्त्वथ वार्तायां त्रय्यां चैव नराधिपः ॥