वराह पुराण

स्नानं कृत्वा यथान्यायं कृत्याभ्यर्च्य विधानतः ।
मदीयं प्रवरं लोकमनन्तमधिगच्छति ॥ ८८ ॥
अधौताम्बरसंवीतः केशवेशं विमुच्य च ।
अकृत्वा पादशौचं च आचान्तोऽप्याचमन्त्यजेत् ॥ ८९ ॥
न स्वापयेन्न चोत्थापयेन्न च पञ्चामृतैः स्नापयेत् ।
न च मन्त्रैरुपहरेन्नोपचारैरुपाचरेत् ॥ ९० ॥
प्रणमेन्न च मां मूढः स्तवैर्वा नोपतिष्ठते ।
एवंविधस्तु मां मुक्त्वा याति घोरं यमक्षयम् ॥ ९१ ॥
यस्तु मत्कर्मनिरतो यत्नवान् वैष्णवो द्विजः ।
नित्यं कुर्याद्यथान्यायं मद्भावगतमानसः ॥ ९२ ॥
स मां प्राप्नोति तं दृष्ट्वा सर्वमङ्गलमङ्गले ।
प्रसीदामि वरारोहे ! सुदुर्लभतमो ह्यहम् ॥ ९३ ॥
अस्पृश्यस्पर्शनाच्छूद्रस्पर्शनाद्वा न संशयेत् ।
गौडं पापरसं यत्तु सुरापानसमं भवेत् ॥ ९४ ॥
यदा पतति वै भूमौ मद्रूपे भक्तितः शिवे ।
गोमूत्रेण तु तद् द्रव्य