ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

ईर्यन्ते। द्वितीये त एव विव्रियन्ते। तत्रादौ रात्रिपर्यायान् विधित्सुराह—
देवा वा उक्थान्यभिजित्य रात्रिं नाशक्नुवन्नभि-
जेतुं, तेऽसुरा रात्रीं तमः प्रविष्टान्नाऽन्वपश्यंस्त एत-
मनुष्टुप्शिरसं प्रगाथमपश्यन् विराजं ज्योतिः, तान्
विराजा ज्योतिषाऽन्वपश्यन्तोऽनुष्टुभा वज्रेण रात्रे-
र्निराघ्नन् ॥ १ ॥
देवाः पूर्वमसुरेभ्यः सकाशादुक्थान्यभिजित्य रात्रिं रात्रिपर्याया-
नभिजेतुं नाशक्नुवन् । ते देवास्तमस्तमोरूपां रात्रिं प्रविष्टानसुरान्नान्वव्य-
पश्यन् अनुगम्य विविच्य द्रष्टुं नाऽशक्नुवन्। ते देवा असुरदर्शनोपायत्वे-
नाऽनुष्टुप्शिरसमनुष्टुबुपक्रमगायत्रीद्वयात्मकं 'पान्तमा' इति प्रगाथम-
पश्यन् सतोबार्हताः प्रगाथा इति प्रसिद्धम्। कथं? गायत्र्याः प्र