ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

चतुर्थाध्याये अष्टमः खण्डः । १२७
अथ अष्टमः खण्डः ।
एवमुत्तरस्मिन् पक्षसि स्वरसामप्रभृति प्रत्यवरोहणमासानुपय-
न्ति उत्तरे मासि त्रीनाभिप्लवान् कुर्युः। ततो गोआयुषी द्वे अहनी कर्त्त-
व्ये तत्र विधीयते—
गौश्चायुश्च स्तोमौ भवतः ॥ १ ॥
गोष्टोम आयुष्टोमश्चेति द्वे अहनी उक्थसंस्थे कर्त्तव्ये ॥ १ ॥
अनयोर्द्वित्वसङ्ख्यां प्रशंसति—
द्विपाद्यजमानः प्रतिष्ठित्त्यै ॥ २ ॥
यस्मादिमौ गोष्टोमायुष्टोमौ द्वौ । अतो द्विपाद् यजमानः प्रतिष्ठित्त्यै
प्रतिष्ठानाय भवति ॥ २ ॥
स्तोत्रीयासङ्ख्याद्वारेणैनौ प्रशंसति—
ऊनातिरिक्तौ भवत ऊनातिरिक्तं वा अनु प्रजाः
प्रजायन्ते प्रजात्यै ॥ ३ ॥
तत्र गोष्टोमस्य पञ्चदशं बहिष्पवमानं त्रिवृदाज्या