४७४ परिशिष्टत्वेन संगृहीतः— [अनु० ६६]
उत्ति॑ष्ठ पुरु॒ष ह॑रि॒त पि॒ङ्गल लोहि॑ताक्षि दे॒हि दे॒हि॑ ददापयिता
मे॒' शुध्य॑न्तां ज्योति॑र॒हं वि॒रजा॑ वि॒पाप्मा भू॑यासꣳ॒ स्वाहा॑ ।
इति कृष्णयजुर्वेदीयतैत्तिरीयारण्यकदशमप्रपाठके नारायणोप-
निषदि पञ्चषष्टितमोऽनुवाकः ॥ ६५ ॥
उत्तिष्ठेति । शुद्धिहेतुत्वेनात्र सर्वकर्मनिष्पादकं वह्निशरीरोपाधिकं [ परमात्मानं ]
प्रार्थयते—पुरुष पुरी [वह्नि]शरीरे शयान हे परमात्मन्नुत्तिष्ठ, औदासीन्यं परित्यज्य
मदनुग्रहार्थमुद्युक्तो भव । संबुद्ध्यन्तपुरुषशब्दस्यैव हरितादीनि त्रीणि पदानि विशेष-
णानि । हे हरित प्रतिबन्धहरणकुशल । हे पिङ्गल पिङ्गलवर्ण । लोहिताक्षि रक्तन-
यन । देहि देहि पुनः पुनः शुद्धिं मे प्रयच्छ । ददापयिताऽऽचार्यमुखात्तत्त्वविज्ञान-
स्यातिशयेन दापयिता भवेति शेषः । तस्य* दापयितुर्ज्ञानस्योत्पत्तये मे मदीयाश्चित्त-
वृत्तयः शुद्ध्यन्ताम् । ज्योतिरहमित्यादि पूर्ववत्+ ॥
इति कृष्णयजुर्वेदीयतैत्तिरीयारण्यकदशमप्रपाठके नारायणीयापरनामधेययुक्तायां
याज्ञिक्यामुपनिषदि भाष्ये पञ्चषष्टितमोऽनुवाकः ॥ ६५ ॥

अथ षट्षष्टितमोऽनुवाकः ।
पृथिव्यापस्तेजो वायुराकाशा मे॑ शुध्यन्तां॒ ज्योति॑-
रहं वि॒रजा॑ वि॒पाप्मा भू॑यासꣳ॒ स्वाहा॑ ।
पृथिवीति । शरीरस्योपादानकारणानि पृथिव्यादीनि । पूर्ववदन्यत् = ।
शब्दस्पर्शरूपरसगन्धा मे॑ शुध्यन्तां॒ ज्योति॑-
रहं वि॒रजा॑ वि॒पाप्मा भू॑यासꣳ॒ स्वाहा॑ ।
शब्दस्पर्शेत्यादि । शरीरोपादानपञ्चमहाभूतेष्वाकाशादिषु वर्तमाना गुणाः शब्दा-
दयः । पूर्ववदन्यत् × ।
मनोवाक्कायक॑र्माणि मे॑ शुध्यन्तां॒ ज्योति॑रहं
वि॒रजा॑ वि॒पाप्मा भू॑यासꣳ॒ स्वाहा॑ ।

• दापयितुः सकाशात्तस्य ज्ञानस्य पूर्वोक्ततत्त्वविज्ञानस्योत्पत्तय इति संबन्धः । + एतदग्रे क.
  पुस्तके (७२) तमानुवाकसमाप्तिर्वर्तते । सा च मूलोक्तानुवाकपरिगणनविरुद्धा । = एतदग्रे क. पुस्तके
  (७३) तमानुवाकसमाप्तिर्दृश्यते । सा च मूलोक्तानुवाकपरिगणनविरुद्धा । × एतदग्रे क. पुस्तके
  (७४) तमानुवाकसमाप्तिर्दृश्यते सा च मूलोक्तानुवाकपरिगणनविरुद्धा ।
  १ व. ८२ ।