तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

४४२ श्रीमत्सायणाचार्यविरचितभाष्यसमेतम्— [प्रपा० ६ अनु० ९]
कल्पः—“यवं दक्षिणतो यव यवय” इति । पाठस्तु—
यव॒ यव॒यास्मद्वेषा॒ द्वेषा॑ꣳसि, इति ।
पूर्ववद्व्याख्येयम् ।
कल्पः—“अथैनमुपतिष्ठते पृथिवीम्” इति । पाठस्तु—
पृथि॒वीं ग॑च्छान्तरि॑क्षं गच्छ॒ दिवं॑ गच्छ॒ दिशो॑
गच्छ॒ सुव॑र्गच्छ॒ सुव॑र्गच्छ॒ दिशो॑ गच्छ॒ दिवं॑
गच्छान्तरि॑क्षं गच्छ पृथि॒वीं ग॑च्छापो वा॑ गच्छ॒ यदि॑
तत्र॑ ते हि॒तमोष॑धीषु प्रति॑तिष्ठा॒ शरी॑रैः, इति ।
आरोहावरोहाभ्यां पृथिव्यादिस्वर्गपर्यन्तप्राप्तिवाक्यानि स्पष्टानि । अपो वेत्यादिस्तु
प्रथमानुवाके व्याख्यातः ।
कल्पः—“जघनेन चितिं कूर्चादि समानम् ” इति । तन्मन्त्राणां प्रतीकानि
दर्शयति—
अश्म॑न्वती रे॒वती॒र्यद्दे॒ देव॑स्य सवि॒तुः प॒वित्रं॒ या
रा॒ष्ट्रात्प॒श्चादु॒द्वयं॒ तम॑स॒स्परि॑ धा॒ता पु॑नातु (२), इति ।
अथो फलै¹ पुनातु ॥
इति कृष्णयजुर्वेदीयतैत्तिरीयारण्यके षष्ठप्रपाठके
नवमोऽनुवाकः ॥ ९ ॥
एते च मन्त्रास्तृतीयानुवाके व्याख्याताः ॥
इति श्रीमत्सायणाचार्यविरचिते माधवीये वेदार्थप्रकाशे कृष्णयजुर्वेदीयतैत्तिरी-
यारण्यकभाष्ये षष्ठप्रपाठके नवमोऽनुवाकः ॥ ९ ॥
१ ग. ˚लं धा॒ता॑ पुं॑ ।