तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

वर्चस्य॑स्य॒त्याह॑ । रु॒चितो॒ ह्येष दे॒वेष्वायु॑ष्मा॒ᳪस्तेज॑स्वी
ब्रह्म॑वर्च॒सी । रु॒चितो॒ऽहं म॑नु॒ष्ये॑ष्वायु॑ष्मा॒ᳪस्तेज॑स्वी॒ ब्रह्म॑-
वर्च॒सी भू॑यासमित्या॑ह। रु॒चित॑ ए॒वैष म॑नु॒ष्ये॑ष्वायु॑ष्मा॒ᳪ-
स्तेज॑स्वी॒ ब्रह्म॑वर्च॒सी भ॑वति ( ५ ) ।
रुग॑सि॒ रुचं॒ मयि॑ धेहि॒ मयि॒ रुगि॑त्याह॑ । आ॒शिष॑मे॒-
वै॒तामाशा॑स्ते ( ६ ) ।
तं यदे॑तै॒र्यजु॑र्भि॒ररो॑चयित्वा । रु॒चितो॑ घ॒र्म इति॑ प्र॒ब्रू-
यात् । अरो॑चुकोऽध्व॒र्युः स्यात् । अरो॑चुको यज॑मानः ।
अथ॒ यदे॑नमे॒तैर्यजु॑र्भी रोचयि॒त्वा । रु॒चितो॑ घ॒र्म इति॒ प्राह॑ ।
रोचु॑कोऽध्व॒र्युर्भव॑ति । रोचु॑को यज॑मानः ( ३ ) ( ७ ) ।
प॒श्चाद्रो॑चयति॒ जाग॑तेन॒ छन्द॑सा॒ स मां रु॒चितो रो॑चये॒त्याहा॑ऽऽ-
शिष॑मे॒वैतामाशा॑स्ते॒ शास्ते॒ऽष्टौ च॑ ॥
इति कृष्णयजुर्वेदीयतैत्तिरीयारण्यके पञ्चमप्रपाठके
पञ्चमोऽनुवाकः ॥ ५ ॥
अथ पञ्चमे षष्ठोऽनुवाकः ।
शि॒रो वा ए॒तद्य॒ज्ञस्य॑ । यत्प्र॑व॒र्ग्यः॑ । ग्री॒वा उप॒सदः॑ ।
पु॒रस्ता॑दु॒पसदां॑ प्रवर्ग्यं प्रवृ॑णक्ति । ग्री॒वास्वे॒व य॒ज्ञस्य॒ शिरः॑
प्रति॑दधाति ( १ ) ।
त्रि॒ः प्रवृ॑णक्ति । त्रय॑ इ॒मे लो॒काः । ए॒भ्य ए॒व
लो॒केभ्यो॑ य॒ज्ञस्य॒ शिरोऽव॑रु॒न्धे ( २ ) ।
५ पञ्चमविभागस्य भाष्यं २६२ पृष्ठे द्रष्टव्यम् ।
६ षष्ठविभागस्य भाष्यं २६२ पृष्ठे द्रष्टव्यम् ।
७ सप्तमविभागस्य भाष्यं २६३ पृष्ठे द्रष्टव्यम् ।
१ प्रथमविभागस्य भाष्यं २६४ पृष्ठे द्रष्टव्यम् ।
२ द्वितीयविभागस्य भाष्यं २६४ पृष्ठे द्रष्टव्यम् ।