तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

पर्यू॑हति । तस्मा॑द॒सावा॑दि॒त्योऽमुष्मिँल्लो॒के र॒श्मिभिः॑
पर्यू॑ढः । तस्मा॒द्राजा॑ वि॒शा पर्यू॑ढः । तस्मा॑द्ग्रामणीः॒
स॒जातैः पर्यू॑ढः ( २६ ) ।
अग्नेः सृष्टस्य॑ यतः । विकङ्क॑तं भा आ॑च्छत् । यद्वैक॑-
ङ्कताः परि॒धयो भव॑न्ति । भा ए॒वाव॑रुन्धे ( २७ ) ।
द्वाद॑श भवन्ति ( ९ ) । द्वाद॑श मासा॑ः संवत्स॒रः ।
संवत्स॒रमे॒वाव॑रुन्धे ( २८ ) ।
अस्ति॑ त्रयोद॒शो मास इत्या॑हुः । यत्त्र॑योद॒शः परि॑-
धिर्भव॑ति । तेनैव त्रयोद॒शं मास॒मव॑रुन्धे ( २९ ) ।
अन्तरि॑क्षस्यान्तर्धिरसीत्या॑ह॒ व्यावृ॑त्त्यै ( ३० ) ।
दिवं॑ तप॑सस्त्रायस्वेत्यु॒परि॑ष्टाद्धिर॑ण्यमधि॒ निद॑धाति ।
अ॒मुष्या अन॑तिदाहाय । अथो॑ आ॒भ्यामे॒वैन॑मु॒भयतः परि॑-
गृह्णाति ( ३१ ) ।
अह॑न्वि॒भार्षि॒ साय॑कानि॒ धन्वेत्या॑ह ( १० ) । स्तौत्ये॒-
वैन॑मे॒तत् ( ३२ ) ।
गा॒य॒त्रम॑सि॒ त्रैष्टु॑भमसि॒ जाग॑तमसीति॑ ध॒वित्राण्या-
द॑त्ते । छन्दो॑भिरे॒वैनान्याद॑त्ते ( ३३ ) ।
मधु॑ मधि॒विति॑ धूनोति । प्रा॒णो वै मधु॑ । प्रा॒णमे॒व
यज॑माने दधाति ( ३४ ) ।
२६ षड्विंशविभागस्य भाष्यं २९४ पृष्ठे द्रष्टव्यम् ।
२७ सप्तविंशविभागस्य भाष्यं २९५ पृष्ठे द्रष्टव्यम् ।
२८ अष्टाविंशविभागस्य भाष्यं २९५ पृष्ठे द्रष्टव्यम् ।
२९ एकोनत्रिंशविभागस्य भाष्यं २९५ पृष्ठे द्रष्टव्यम् ।
३० त्रिंशविभागस्य भाष्यं २९५ पृष्ठे द्रष्टव्यम् ।
३१ एकत्रिंशविभागस्य भाष्यं २९६ पृष्ठे द्रष्टव्यम् ।
३२ द्वात्रिंशविभागस्य भाष्यं २९७ पृष्ठे द्रष्टव्यम् ।
३३ त्रयस्त्रिंशविभागस्य भाष्यं २९७ पृष्ठे द्रष्टव्यम् ।
३४ चतुस्त्रिंशविभागस्य भाष्यं २९८ पृष्ठे द्रष्टव्यम् ।