तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

३५८ श्रीमत्सायणाचार्यविरचितभाष्यसमेतम्— [प्रपा० ४ अनु० ४३]
भिरवस्थावान्यः प्रवर्ग्यस्तस्याऽऽदित्य इति नाम । स प्रवर्ग्य एवं तत्तद्देवताप्रीतिहेतु-
त्वात्स्वस्यैतानि नामान्यकुरुत संपादितवान् ।
नामवेदनं प्रशंसति—
य एवं वेद॑ । वि॒दुरे॑नं॒ नाम्ना॒, इति॑ ।
( प्रपा० ५ । अनु० ११ । विभा० ६ )
अथ प्रश्नोत्तराभ्यां +मृन्मयस्य महावीरस्य होमसाधनत्वमुपपादयति—
ब्र॒ह्म॒वा॒दिनो॑ वदन्ति । यन्मृ॒न्मय॒माहु॑तिं नाश्नु॒तेऽथ॑ ।
कस्मा॑देषोऽश्नुत॒ इति॑ । वागे॒ष इति॑ ब्रूयात् । वा॒च्येव
वाचं॑ दधाति (५) । तस्मा॑दश्नुते, इति॑ ।
( प्रपा० ५ । अनु० ११ । विभा० ७ )
दारुमयस्य होमसाधनत्वं सर्वत्र दृष्टं न तु क्वचिद