तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

३४० श्रीमत्सायणाचार्यविरचितभाष्यसमेतम् - [प्रपा०४ अनु०३८]
अस्माभिरेव बाध्यमाना गवाश्वादिशरीरेषु वर्तमाना दंशयूकादयः सर्वेऽपि श्वेताभिः
क्रिमिजातिभिः सह मारिताः ॥
इति श्रीमत्सायणाचार्यविरचिते माधवीये वेदार्थप्रकाशे कृष्णयजुर्वेदीय-
तैत्तिरीयारण्यकभाष्ये चतुर्थप्रपाठके षट्त्रिंशोऽनुवाकः ॥ ३६ ॥
अथ चतुर्थे सप्तत्रिंशोऽनुवाकः ।
कल्पः— “ यमभिचरेत्तस्य लोहितमवदानं कृत्वाऽऽहरावद्य शृतस्येत्यनुवाकेन जुहु-
यात् ” इति । पाठस्तु—
आह॒राव॑द्य । शृ॒तस्य॑ ह॒विषो॑ यथा॑ । तत्स॒त्यं
यद॒मुं य॒मस्य॑ ज॒म्भयोः॑ । आद॑धामि
तथा॒ हि तत् । खण्फण्र्न्नासि॑ , इति ।
इति कृष्णयजुर्वेदीयतैत्तिरीयारण्यके चतुर्थप्रपाठके
सप्तत्रिंशोऽनुवाकः ॥ ३७ ॥
यथा यागकाले शृतस्य हविषः पक्वं हविरवद्यावदा*य जुहु इति (जुहुयामिति) ।
तथा हे शत्रो लोहितं द्वितीयमाहराऽऽनय । अमुं शत्रुं यमस्य जम्भयोर्दन्तयोर्मध्य
आदधामि स्थापयामीति यत्तत्सत्यम् । तत्कार्यं तथा हि तथैवास्तु । दंशनध्वनेरनुक-
रणरूपौ खण्फण्शब्दौ तौ यथा भवतस्तथा शत्रो मारितोऽसि ॥
इति श्रीमत्सायणाचार्यविरचिते माधवीये वेदार्थप्रकाशे कृष्णयजुर्वेदीयतैत्तिरी-
यारण्यकभाष्ये चतुर्थप्रपाठके सप्तत्रिंशोऽनुवाकः ॥ ३७ ॥
अथ चतुर्थेऽष्टात्रिंशोऽनुवाकः ।
कल्पः— “ यमभिव्याहारिष्यन्स्यात्त्रिरात्रावरं ब्रह्मचर्यं चरित्वा गत्वैनमभिव्याहरेत्
ब्रह्मणा त्वा शपामीत्यनुवाकेन ” इति । पाठस्तु—
ब्रह्म॑णा त्वा श॒पामि॑ । ब्रह्म॑णस्त्वा श॒पथे॑न
श॒पामि॑ । घो॒रेण॑ त्वा॒ भृगू॑णां॒ चक्षु॑षा॒ प्रेक्षे॑ ।

• एतदादितावित्यन्तो ग्रन्थस्त्रुटितः क. ख. पुस्तकयोः ।
  १ ग. रित्वाऽऽगत्यैनं ।