तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

[प्रपा०४अनु०११] कृष्णयजुर्वेदीयं तैत्तिरीयारण्यकम् । ३०७
सा॒त्मान॑मे॒वैतꣳ५ सत॒नुं क॑रोति, इति ।
( प्रपा० ५ । अनु० ९ । विभा० ८ )
तस्य महावीरस्य हस्तेन स्प्रष्टुमशक्यत्वात्तद्धारणार्थौ काष्ठविशेषौ शफौ । उपयमः
पात्रविशेषः । धृष्टी अङ्गारनिर्हरणार्थौ साधनविशेषौ । साधनान्तराणामप्युपदर्शनार्थ
इतशब्दः । एतानि सर्वाण्यपि महावीरमनुप्रवर्त्योद्वासनदेशे हरेयुः । तेनैनं प्रवर्त्यमा-
त्मसहितं शरीरसहितं करोति ।
एतद्वेदनं प्रशंसति —
सात्माऽमुष्मिँल्लोके भवति । य एवं वेद, इति ।
( प्रपा० ५ । अनु० ९ । विभा० ९ )
साधनानां कारणं वृक्षविशेषं विधत्ते—
औदुम्बराणि भवन्ति । ऊर्जाँ उदुम्बरैः । ऊर्जमेवावरुन्धे, इति ।
( प्रपा० ५ । अनु