स्वप्नवासवदत्तम् (महाकवि भास - संस्कृत मूल एवं हिन्दी अनुवाद)

vi INTRODUCTION.
पविसामि । (प्रविश्यावलोक्य) जह लोहीपरिविट्ठणकाळसारा भूमी णेउब्भामणसुग-
न्धो विअ गन्धा सुनिमित्तं विअ परिब्भमन्तो वाडवस्सअजणो । किण्णुखु संविधा
विहिदा । आदु बुभुक्खाए ओदणमअं विअ जीवलोअं पेक्खामि । अय्ये! इदो दाव ।
नटी — अय्य! इअम्हि । अय्य! दिट्ठिआ खु सि आओदो ।
सूत्रधारः — अय्ये! किं अत्थि अह्माणं गेहे को वि पादरासो ।
नटी — अत्थि ।
सूत्रधारः — चिरं जीव । एवं सोभणाणि दत्तिआ होहि ।
नटी — अय्य ! तुवं एव्व पडिवाळेन्ती चिट्ठामि ।
सूत्रधारः — अय्ये ! किं अब्भत्थिदं ।
नटी — अत्थि ।
सूत्रधारः — एवं देवा तुमं अस्सासन्तु । अय्ये! किं किं ।
नटी — घिदं, गुळं, दहि, तण्डुळा अत्थि ।
सूत्रधारः — एदं सव्वं अह्माणं गेहे अत्थि ।
नटी — णहि णहि, अन्तळावणे ।
सूत्रधारः — ( सरोषम्) आः अणय्ये! एवं दे आसा छिन्दीअदु । अ-
भावं च गमिस्ससि । अहं चण्डप्पवादळण्डुओ विअ वरण्डा पच्चादादो दूरं आ-
रोविअ पाडिदो म्हि ।
नटी — मा भाआहि मा भाआहि । मुहुत्तअं पडिवाळेदु अय्यो । सव्वं
सज्जं भविस्सदि । ळद्धं णाम एदं । अज्ज मम उववासस्स अय्यो सहा-
ओ होदु ।
सूत्रधारः — किण्णामहेओ अय्याए उववासो ।
नटी — अभिरूववदी णाम ।
सूत्रधारः — किं अण्णजादीए ।