शिवदृष्टि (सोमानन्दनाथ - उत्पलदेवाचार्य वृत्ति सहित काश्मीर प्रत्यभिज्ञा मूल दर्शन सटीक)

१३६ शिवदृष्टिः [ आ०-४
अपूर्वयोगंगृहीतेऽपि तत्कालं गतयोर्द्वयोः ।
अगृहीते न गृहीतः सम्बन्धोऽग्निः प्रतीयते ॥ ८४ ॥
सामान्यमविशेषं चेदविशेषात्कुतः प्रमा ।
विशेषस्याप्यपूर्वत्वे कथं चास्ति समन्वयः ॥ ८५ ॥
सादृश्यादथ चेन्नास्ति याथात्म्येन समागमः ।
न च वात्रानुमानत्वं धूमतः केवलाद्भवेत् ॥ ८६ ॥
तत्सम्बन्धादथोच्येत सम्बन्धे द्विष्ठता न च ।
द्विनिष्ठत्वादेकतरग्रहणान्नापि तद्ग्रहः ॥ ८७ ॥
धूमदृष्ट्याथ कल्प्येत वह्निस्तद्योगितापि च ।
इतरेतरदोषोऽत्र दुर्নিবারः प्रसज्यते ॥ ८८ ॥
यावन्न वह्निकल्पना न योगकल्पना भवेत् ।
यावद्वा योगकल्पना न वह्निकल्पनाक्षमा ॥ ८९ ॥
आप्तवाक्यादथास्तोह तत्सत्यत्वेऽदृढा मतिः ।
न राजते ह्ययोवक्ता सत्यभाषी कदाचन ॥ ९० ॥
सोऽप्यन्यथा प्रदर्शयेताक्षयतो रागद्वेषयोः ।
पित्रादेरप्यसत्यत्वं तत्रान्यत्र न निश्चयः ॥ ९१ ॥
तस्मान्न भेदे भावानां तद्ग्रहाद्यपि युज्यते ।
क्षणभंगपरामर्शादप्येतदुपपद्यते ॥ ९२ ॥
शक्ताशक्तविकल्पैर्हि दीपज्वालाद्युदाहृतैः ।
स्थिरता नोपपन्ना ते प्रत्यक्षेणापि च स्थिता ॥ ९३ ॥
स्थिरत्वं क्षणिकत्वं च प्रमाणां चिन्तया स्थितम् ।
अप्यसंवादरूपं च विरुद्धं तत्कथं भवेत् ॥ ९४ ॥