शिल्परत्नम् (श्रीकुमार - प्राचीन भारतीय चित्रकला, धातुकर्म, यन्त्र एवं स्थापत्य सटीक)

“नानाविशालगणितागमशिल्पशास्त्रा-
द्युत्पत्तिमुख्यभुवमद्भुतविक्रमाढ्याम् ।
नेत्तूर्ध्वकानननिवासकृताधिवासां
वन्दे षडाननवतां परदेवतां मे ॥”
(पूर्वभागः पा० १. श्लो० ४)
इत्येतद्घटक'नेत्तूर्ध्वकानन'पदस्यार्थपर्यालोचनायामस्य श्रीकुमारस्य
देशसंज्ञा भाषाव्यपदेशे ‘चिरन्मेक्काटु’ इति प्रतिभाति । स चायं देशः
कोचिराज्यान्तर्गते तलप्पळ्ळितालूक्घटिते कस्मिंश्चिदुत्तरस्मिन् भाग इत्यस्म-
त्सुहृदां ब्रह्मश्रीकाणिप्पैयूर् शङ्करन्नम्पूरिमहाशयानां मुखतो भाषणा-
ज्ज्ञायते ।
महामहोपाध्यायब्रह्मश्रीगणपतिशास्त्रिमहाशयैरध्यक्षचरैरस्मद्गुरु-
चरणैः पूर्वभागनिवेदनायां —
“उत्तरभागस्तु सर्वादर्शसम्पत्साह्येन संशोध्यनातिचिरेण . प्रका-
श्येत ।”
इति कृतां प्रतिज्ञां सफलयितुकामेन मया तदनुग्रहात् समुपलब्धैरादर्शैः
संशोध्य प्रकाश्यमानोऽयमस्तु सतां प्रसादाय ।
एतत्संशोधनमादर्शांश्चतुरः समाश्रित्य निरवर्त्यत ।
तत्र प्रथमः—अनन्तशयनस्थमहाराजग्रन्थशालीयः क-संज्ञः समग्रः .
त्रिशतवर्षवृद्धः ।
द्वितीयः— तिरुवल्ला कुळिक्काट्टिल्लं ब्रह्मश्री पि. नारायणन्भट्ट-
तिरिस्वामिकः ख-संज्ञः मध्ये लुप्तः वर्षशतकानधिकपर्युषितः ।
तृतीयः — कल्कुलं मणलिकरमठाधिपतिब्रह्मश्री केशवस्वामिकः
ग-संज्ञः समग्रो द्विशतवर्षेभ्यः प्राचीनः ।
तुरीयः — कुवत्तनाडु ओळवूर् श्रीमन्नारायणन्नम्पियारस्वामिकः
घ-संज्ञः द्वाविंशतेरापञ्चविंशं चतुर्भिः, पञ्चत्रिंशेन चाध्यायैः स-
म्पुटितः द्विशतवर्षपर्युषितः ।
अनन्तशयनम्,
२४-१२-१०४. } के. साम्बशिवशास्त्री.