षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

द्वितीयोऽध्यायः (१) [पृ. ६१]

साम्ना प्रच्छन्नां गायति गायेदित्यर्थः । यस्मोदवं तस्मात् लोके पुरुषो
मांसेन त्वचा लोम्ना च प्रच्छन्नः सन् जायत इति ॥ १ ॥
रेतस्यायां त्रिरुद्ग्रहणं विधत्ते—
त्रिरुद्गृह्णाति ॥ २ ॥
पवमानायेन्दवे (सा. ६५१) इत्यत्र पकारवंकारमकारेषु त्रिष्वक्षरेषु
प्रत्येकं प्लुतं कुर्यादित्यर्थः । तथा च द्राह्यायणः—रेतस्यायास्त्रिरुद्गृह्णातीति
ब्राह्मणं भवति । पावामानायेन्दावा (21.3.15; ला. 7.12.3) इति ॥ २ ॥
तत्प्रशंसति—
त्रय इमे लोका एषां लोकानामवरुद्ध्यै त्रिभ्यश्च
रेतः सिच्यते ॥ ३ ॥
इमे प्रसिद्धाः पृथिव्यन्तरिक्षद्युलोकाः त्रयः एषां लोकानामवरुद्ध्यै
प्राप्त्यर्थं त्रिरुद्गृह्णीयात् । अत एव च त्रिभ्यो रेतः सिच्यते ॥ ३ ॥
तत्र च हिंकारं निषेधति—
न हिंकुर्यात् ॥ ४ ॥
हिंकारनिन्दया तद्वर्जनं प्रशंसति—
वज्रो वै हिंकारो बलमिव रेतो यद्धिंकुर्याद्वज्रेण
हिंकारेण रेतः सिक्तं विच्छिन्द्यात् ॥ ५ ॥
निगदसिद्धमेतत् ॥ ५ ॥

---

1. Bh. प्रतिच्छन्नां for प्रच्छन्नां.
2. M. om. च प्रच्छन्नः सन्.
3. R. रेतस्यायाः for रेतस्यायां; M. om. उद्ग्रहणं विधत्ते.
4. M. om. पवमानायेन्दवे.
5. Bh सवाष्टमासनायेन्दवे, T वास्वासमासनायेन्दवे, S पप्रेवाप्रेमाप्रेयेन्दवे,
   I पाअ उवा अउमा अउवा for पावामानायेन्दावा.
6. M. ०रिक्षं दिवः for ०रिक्षद्यु.
7. RKS. प्राप्त्यै for प्राप्त्यर्थं.
8. R. om. च; Bh J तत्रत्यं for तत्र च.
9. K. वज्र्यों० for वज्रो०; Bh. एव for इव.