षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

प्रथमोऽध्यायः (६) ५५
यस्मादेवं तस्मात् एतां महाव्याहृतिमेव सर्वप्रायश्चित्तार्थं
जुहुयात् । १९ ॥
तत्रैव प्रायश्चित्तान्तरमाह—
अपि वाज्ञातं यदनाज्ञातं यज्ञस्य क्रियते मिथुवग्ने
कल्पय त्वम् । हि वेत्थ यथायथं स्वाहेति । अपि वा
प्राजापत्यां प्रजापते न त्वदेतान्यन्यो विश्वा जातानि परिता
बभूव । यत्कामास्ते जुहुमस्तन्नो अस्तु वयं स्याम पतयो
रयीणां स्वाहेति । तद्द्वा आत्मानं च यजमानं च स्वेन
रसेन समर्द्धयति ॥ २० ॥
अपि वा अथवा आज्ञातम् अवगतं यन्न्यूनत्वम् अधिकत्वं वा यदपि च
अनाज्ञातं यज्ञस्य संबन्धि मिथु मिथः क्रियते हे अग्ने अस्य यज्ञस्य संबन्धि
तद् उभयं कल्पय फलसमर्थं कुरु । हि यस्मात् त्वं यथायथं कर्मणः स्वरूपं
वेत्थ जानासि स्वाहा सुहुतमस्तु इति अनेन मन्त्रेण जुहुयात् । अपि वा
अथवा हे प्रजापते ! यान्येतानि विश्वा विश्वानि जातानि भुवनानि [त्वत् ]
त्वत्तोऽन्यो न परिता बभूव । त्वमेव परिभवसीत्यर्थः । वयं यत्कामाः
यदभीष्टं कामयमानाः ते तुभ्यं जुहुमः नः अस्माकं तद् अभीष्टम् अस्तु ।
किं च, वयं रयीणां धनानां पतयः स्याम स्वाहेति अनेन मन्त्रेण प्राजापत्यां
प्रजापतिदेवताकाम् आहुतिं जुहुयात् । तद्वै तेनैव आत्मानं च यजमानं च
स्वेन अभीष्टेन रसेन यज्ञफलेन समर्द्धयति समृद्धं करोति इति ॥ २० ॥
10. RSI. om. यन्० ; RSIT om. वा after अधिकत्वं; Bh. यावद्
for यद्; J. वा for च.
11. J. adds ऋत्विग्भिः after मिथु.
12. MSK ०तथं for यथं.
13. M. om. मन्त्रेण.
14. Bh J. om. अथवा; Bh J. प्राजापत्यां प्रजापत इत्यस्य व्याख्यानं
त्यक्तं भवतीत्यर्थः for हे प्रजापते...०भवसीत्यर्थः ।
15. RSI. परिता भवसि for परिभवसि.
16. J. यदित्थं for यदभीष्टं ; R adds इति after अस्तु.
19. SIK समर्थं, Bh समृद्धि for समृद्धं; RKSI. om. इति.