षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

भवतीत्यर्थः । तत्र देवयजनस्य पुरस्ताद्भागेऽपामेवावस्थानं विधीयते ।
अग्न्यादित्ययोरवस्थानमनूद्यते । पुरस्ताद्भागे आहवनीयस्यावस्थाननियमात्
आदित्यावस्थानस्य प्रत्यक्षसिद्धत्वात् ॥ १७ ॥
अपामभावे न्यग्रोधादिनापि भवितव्यमिति दर्शयति—
पुरस्ताच्चित्रं देवयजनम् ॥ १८ ॥
देवयजनं पुरस्तात् पुरोभागे चित्रं चित्रश्चित्रियो वनस्पतिः न्यग्रोधादिः,
तद्युक्तमेव कार्यम् । तथा च द्राह्मायणः—अपामभावे महावृक्ष उदपानो
महापथो वा (१.१.१७) इति । अस्यार्थः । नदीतटाकादीनामभावे
महावृक्ष उदपानः कूपः महापथो वा ग्राह्यः ॥ १८ ॥
पश्चाद्भागे महावृक्षावस्थाने प्रत्यवायमाह—
पश्चाच्चित्रं श्मशानकरणम् ॥ १९ ॥
यदि देवयजनं पश्चात् चित्रं भवेत् तर्हि श्मशानकरणमेव
स्यात् ॥ १९