षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

१८४ षड्विंशब्राह्मणम्
आपो मे होत्राशंसिनो रश्मयो मे चमसाध्वर्यवः ॥ २ ॥
स यजमानोऽग्निर्मे होतेत्यादिभिः सप्तभिः मन्त्रैः एतान् दैवानृत्विजो
वृणीतेति ॥ २ ॥
अथानन्तरं मानुषर्त्विग्वरणं विधत्ते—
स एतान् दैवानृत्विजो वृत्वाथैतान् मानुषान् वृणीत ।
य एनमभिराधयेयुः ॥ ३ ॥
स यजमानः एतानुक्तान् दैवान् ऋत्विजो यथोक्तप्रकारेण वृत्वा अथ
पश्चाद् एतान् मानुषान् ऋत्विजो वृणीत । ये ऋत्विजः एनमभिराधयेयुः
सम्यक् स्वस्वकर्मानुष्ठानेन फलप्राप्तिसमर्थं कुर्युः । तत्रायमृत्विग्वरणप्रकारः ।
एतन्नामकेनैतःसंस्थेनैतत्पृष्ठेनैतावद्दक्षिणेन यज्ञेनाहं यक्ष्ये । तत्र मे त्वं
होताध्वर्युरित्यादि ॥ ३ ॥
अथ देवयजनेषु विज्ञेयमुच्यते । तत्र प्रथमं क्षत्रियं प्रति देवयजन-
प्रार्थनां दर्शयति—
अथ क्षत्रियं देवयजनं याचेत् ॥ ४ ॥
अथशब्दो वाक्योपक्रमे । क्षत्रियं राजानं । देवयजनम्, देवा
इज्यन्तेऽस्मिन् देश इति देवयजनं यागदेशस्तं याचेत् यजमानः प्रार्थयेत् ॥ ४ ॥
राज्ञा देवयजने दत्ते यजमानस्तु किं ब्रूयादित्यत्राह—
स चेत्तस्मै दद्याद्देवयजनवान् भूया इत्येनं ब्रूयात् ॥ ५ ॥
स राजा यद्यस्मै देवयजनं दद्यात् तर्हि तं राजानं त्वं देवयजनवान्
भूया इत्याशीर्वचनं ब्रूयात् ॥ ५ ॥
विपर्यये वचनप्रकारं दर्शयति—
न चेत्तस्मै दद्याद्यदहं देवयजनं वेद तस्मिंस्त्वोत्
वृश्चानीत्येनं ब्रूयात् ॥ ६ ॥
2. J. ०दिना प्रतिमन्त्रं for ०दिभिः सप्तभिः मन्त्रैः; R adds
देवास्तान्, TK देवान् तान् after मन्त्रैः; MTSK देवान् for दैवान्.
9. J फलाप्तेः for फलप्राप्ति०.
10. M. भवता हौत्रमाध्वर्यवमौद्गात्रं ब्रह्मत्वम for मे त्वं होताध्वर्युः.
16. K. इष्यन्ते for इज्यन्ते; J om. प्रार्थयेत्.
18. M चैत्तदस्मै for चेत्तस्मै; KTIS. अस्मै for तस्मै.