सात्वत संहिता (पाञ्चरात्र आगम - भगवान् सङ्कर्षण-नारद संवाद सान्वय सटीक)

५४० सात्वतसंहिता
५. ॐ रसनिधे भीमभीषणाय लाङ्गलाय फट् ॥ १२१ ॥
प्राग् भुवनाधिपतये स्तम्भभूताय वै पदम् ।
त्रयोदशाक्षरं विद्धि ततोऽन्यमवधारय ॥ १२२ ॥
६. ॐ भुवनाधिपतये स्तम्भभूताय मुसलाय फट् ॥ १२२ ॥
पदमिन्द्रियकोशाय इष्वस्त्राय दशाक्षरम् ।
कल्पान्तानिलघोषाय विद्युल्लसित वै पदम् ॥ १२३ ॥
प्रभाय षोडशार्णं तु नवाक्षरमतः शृणु ।
७. ॐ इन्द्रियकोशाय इष्वस्त्राय फट् ॥ १२३ ॥
८. ॐ कल्पान्तानिलघोषाय विद्युल्लसितप्रभाय शार्ङ्गाय फट् ॥ १२३ ॥
महामायापदं दद्याद् बन्धवर्णद्वयं ततः ॥ १२४ ॥
ध्वंसिने पदमादाय एतत्संख्यं पदं शृणु ।
९. ॐ महामायाबन्धध्वंसिने खड्गाय फट् ॥ १२४ ॥
सर्वास्त्रिग्रसनादाय पराय तदनन्तरम् ॥ १२५ ॥
१०. ॐ सर्वास्त्रिग्रसनपराय खेटकाय फट् ॥ १२५ ॥
सन्तापकाय शब्दं तु दर्पविध्वंसिने ततः ।
एकादशाक्षरं विद्धि नवाक्षरमथोच्यते ॥ १२६ ॥
११. ॐ सन्तापकाय दर्पविध्वंसिने दण्डाय फट् ॥ १२६ ॥
अज्ञानखण्डनपदं पराय तदनन्तरम् ।
त्रैलोक्यमोहनपदं मूर्तये तु नवाक्षरम् ॥ १२७ ॥
१२. ॐ अज्ञानखण्डनपराय परशवे फट् ॥ १२७ ॥
१३. ॐ त्रैलोक्यमोहनमूर्तये पाशाय फट् ॥ १२७ ॥
सर्वाकर्षकपदं महामायामयेति वै ।
द्वादशाक्षरसंख्यस्तु नवाक्षरमथोद्धरेत् ॥ १२८ ॥
१४. ॐ सर्वाकर्षकपरमहामायामयाय अङ्कुशाय फट् ॥ १२८ ॥
प्रागखण्डितशब्दं तु तदन्ते विनियोज्य च ।
पराक्रमाय शब्दं तु सप्ताक्षरमतः शृणु ॥ १२९ ॥
१५. ॐ अखण्डितपराक्रमाय मुद्गराय फट् ॥ १२९ ॥