सात्वत संहिता (पाञ्चरात्र आगम - भगवान् सङ्कर्षण-नारद संवाद सान्वय सटीक)

षोडशः परिच्छेदः
अघशान्तिकल्पः
नारद उवाच
प्रभुर्मुनीश्वरा भूयश्चादितो वनमालिना ।
सर्वलोकहितार्थं तु यत् तद्वक्ष्याम्यतः परम् ॥ १ ॥
अथ षोडशः परिच्छेदो व्याख्यास्यते । अत्र सङ्कर्षणेन वासुदेवो यत्पृष्टस्तद्वक्ष्या-
मीत्याह—प्रभुरिति ॥ १ ॥
नारद जी ने कहा—हे मुनीश्वर ! सङ्कर्षण के द्वारा पुनः पूछे जाने पर
भगवान् वासुदेव ने लोकहित के लिये जो कहा उसे अब कहता हूँ ॥ १ ॥
सङ्कर्षण उवाच
देव सम्प्रतिपन्ना ये क्रमेऽस्मिन् ब्राह्मणादयः ।
दीक्षणीयाः कथं ते वा एतदिच्छामि वेदितुम् ॥ २ ॥
प्रश्नप्रकारमाह—देवेति ॥ २ ॥
सङ्कर्षण ने कहा—हे देव ! इस क्रम में जो ब्राह्मणादिक सम्बद्ध हैं उनको
किस प्रकार दीक्षित करना चाहिये अब मैं यह सुनना चाहता हूँ ॥ २ ॥
भगवानुवाच
यथाक्रमेणोदितानां वर्णानां शृणु लाङ्गलिन् ।
त्रिविधं दीक्षणोपायं संक्षेपात् सर्वसिद्धिदम् ॥ ३ ॥
एवं पृष्टो वासुदेवस्त्रिविधदीक्षोपायं शृण्वित्याह—यथाक्रमेणेति ॥ ३ ॥
श्रीभगवान् ने कहा—हे लाङ्गलिन् यथाक्रम कहे गये इन ब्राह्मणादि वर्णों के
सर्वसिद्धिप्रद तीन प्रकार के दीक्षा के उपायों को सुनिए ॥ ३ ॥
त्रिविधदीक्षोपायनिरूपणम्
पूर्वोक्तलक्षणो ज्ञात्वा कश्चिद् दृढतरः पुमान् ।