सङ्गीतदर्पण (दामोदर पण्डित - तंजौर सरस्वती महल संस्करण, सङ्गीत एवं नाट्य लक्षण)

धात्वादिरहितं गीतं आलापः परिकीर्तितः । अथवा
रागालापनमाप्तिः प्रकटीकरणं मतम् ॥ २५२ ॥
इति आलापः ।
भाषयाचांध्रयानित्यं ध्रुवधातुविनिर्मिता ।
उद्ग्राहाऽभोगरहिता धरू तद्ज्ञैर्निरूपिता ॥ २५३ ॥
धरू वेदमिताकेचिदन्ये वाणाङ्ग सम्मिता ।
नस्वीकुर्वन्ति नियमं लक्ष्यानियमदर्शनात् । ॥ २५४ ॥
इति धरू ।
पदमेकं ताळहीनं बद्धं तैलङ्गभाषया ।
पूर्वस्वरोच्चार्यमाणं यदेकयतिसंयुतम् ॥ २५५ ॥
पद्ध्टिः साकथिता तद्ज्ञैः विदग्धानां मनोहरा ।
किन्नरी ताळयुक्तं च तेन शब्देन नर्तनम् ॥ २६३ ॥
मृदङ्गादियुतं यत्स्यात् सुळूपं तन्निगद्यते ।
तत्तैर्विरचितं यद्वा सर्वदा सुखदं भवेत् ॥ २५७ ॥
कर्णाट भाषया बद्धैर्युदुग्राहादिभिर्युतम् ।
ताळेन येन केनापि युतं तत्पदसंज्ञकम् ॥ २५८ ॥
सामान्य लक्षणमिदं कथितं लक्ष्यदृष्टितः ।
अन्येऽपि कट्टेरेर्भेदाद्रष्टव्या जतिपोषिताः ॥ २५९ ॥
इति कट्टेरिंनृत्यम् ।
विधुतं कम्पितं यत् स्याद्रेचकचतुष्टयम्
शिरोग्रीवाहस्तपाद कम्पनं रेचकं विदुः ॥ २६० ॥