सङ्गीतदर्पण (दामोदर पण्डित - तंजौर सरस्वती महल संस्करण, सङ्गीत एवं नाट्य लक्षण)

223
विचित्रचरणं साक्षाद्रागमूर्तिमिवाङ्गकैः ।
दर्शयन् विविधं नृत्यं लास्यलीलामनोहरम् ॥ २४३ ॥
ततः पिल्लुरूनृत्यं मध्ये मध्ये यथोचितम् ।
धरूभिर्हावभावाभ्यां लयतालानुसंगतम् ॥ २४४ ॥
कोमळाङ्गैरन्वितं च नर्तनं तनुयात्ततः ।
वाद्याक्षरैर्निर्मितं च नृत्यन्तुद्रुतमानतः ॥ २४५ ॥
पुनः पिल्लुरूपद्या नृत्यं च विधिपूर्वकम् ।
पुनः शब्दाक्षरैर्नृत्यं सूलूषेन यथोचितम् ॥ २४६ ॥
रचयेदथ शब्देन द्विरावृत्तपदेन च ।
विधाय नर्तनं चारुशब्देन्यास समाचरेत् ॥ २४७ ॥
एवं कर्तरि नृत्ये च यथायोग्यं समाचरेत् ।
नियमात्कर्तरि ज्ञेया रसिकानां सुखप्रदा ॥ २४८ ॥
मल्लिकामोदनामापि प्रसिद्धा लक्ष्यदृष्टितः ।
अद्री तुड्डुकपर्याया नृत्यज्ञैः कथिता यतः ॥ २४९ ॥
आलापो यत्र नृत्येत धरूणां यत्र नर्तनम् ।
स्वरपट्टिसमायुक्तं सुलूपं पदमेव च ॥ २५० ॥
क्रमेण व्युत्क्रमेणाथ नर्तनं कट्टरिर्मता ।
बन्धनापरपर्यायाः कथिता नृत्यवेदिभिः ॥ २५१ ॥
तत्तत्कारादिकैः पाटैरेकताल्यादिभिर्युतम् ।