सङ्गीतदर्पण (दामोदर पण्डित - तंजौर सरस्वती महल संस्करण, सङ्गीत एवं नाट्य लक्षण)

95
शिष्टं ग्रंथान्तरेज्ञेयं मध्यमाचास्ति किन्नरी ।
वादनादिप्रकारोऽपि ग्रंथात् वैणिकशिक्षया ॥ ५५८ ॥
ज्ञातव्यो नात्र कथितः गुर्वधीनो यतोऽलसः ।
पिनाकी लोकतो ज्ञेया शास्त्रलक्षणलक्षिता ॥ ५५९ ॥
तुंबस्थितेन धनुषा वाद्यते साविचक्षणैः ।
अश्वपुच्छस्थितैर्वालैः गुणो वादनधन्वनः ॥ ५६० ॥
जानीयाल्लोकतोऽन्यानि ततवाद्यानि तत्त्वतः ।
(543-560) The several kinds of vina and other stringed
instruments described.
(சு 543-560) பலவகை வீணைகளும், மற்ற தந்திவாத்யங்
களும்.
नादश्रुतिस्वरग्राम जातिरागादितत्त्ववित् ।
देहसौष्ठवसंपन्नः स्थिरासनपरिग्रहः ॥ ५६१ ॥
जितश्रमस्त्यक्तभयः सुशारीरः प्रगल्भधीः ।
सावधानोवैणिकस्स्यात् गीतवादनकोविदः ॥ ५६२ ॥
(561-562) The requisites of Veena-players.
(சு 561-562) வைணிக லக்ஷணம்
वंशः स्याद्वैणवो दान्तः खादिरश्चन्दनोऽथवा ।
आयसः कांस्यजो रौप्यः काञ्चनोऽप्यथवा भवेत् ॥ ५६३ ॥ .
वर्तुलः सरलः श्लक्ष्णो ग्रंथिभेदव्रणोज्झितः ।
तस्य द्वे त्रीणि चत्वारि चाङ्गुलानि शिरस्स्थलात् ॥ ५६४ ॥
त्यक्त्वा फूत्काररन्ध्रन्तु कार्यमङ्गुलिसंमितम् ।
अर्धाङ्गुलान्तराणिस्सुः रंध्राण्यन्यानि सप्त च ॥ ५६५ ॥