रसार्णव (शैव रस-तन्त्र - प्राचीन भारतीय खनिज रसायन, धातुवाद एवं रस-चिकित्सा सटीक)

द्वादशः पटलः । २४८
वर्षमेकं पिबेत्तोयं¹ जीवेच्चन्द्रार्कतारकम् ।
तस्य मूत्रपुरीषेण² शुल्बं भवति काञ्चनम् ॥ २६५ ॥
उष्णोदकञ्च कासीसं³ गन्धपाषाणसंयुतम् ।
चतुर्थांशेन रसकं दशभागं विनिर्क्षिपेत्⁴ ॥ २६६ ॥
शुल्बञ्च मर्दयेत् सर्व्वं नष्टपिष्टं क्षणेन तु⁵ ।
तेन लेपितमात्रेण शुल्बं भवति काञ्चनम् ॥ २६७ ॥
निषिक्तं तेन तोयेन प्रतिवापं ददेद्बुधः⁶ ।
शुल्बञ्च जायते हेम तरुणादित्यवर्चसम्⁷ ॥ २६८ ॥
तज्जलेन निषिक्तञ्च हेम वीजार्थसंयुतम् ।⁸
तारं चानेन मार्गेण⁹ निषिक्तं हेमतां व्रजेत्¹⁰ ॥ २६९ ॥
उष्णोदकेन भल्लातं तिलपिष्टं¹¹ च भक्षयेत् ।
मासद्वयप्रयोगेण¹² जीवेद्वर्षशतत्रयम् ॥ २७० ॥
रसगन्धाश्मरसकं¹³ तुत्थं¹⁴ दरदमाक्षिकम्¹⁵ ।

---

(1) This charana is not found in M. (2) M reads मूत्रपुरीषाभ्यां.
(3) K reads काशीस. (4) K reads विनिःक्षिपेत्. (5) K reads
चयेण तु. (6) ददेत् is an ungrammatical term. दद्यात् is the pro-
per one. (7) तत्क्षणादित्यशोभन, a variant in M. (8) This
hemistich is not found in M. (9) K reads erroneously मार्पणं.
(10) M reads ब्रजेत्, which is incorrect. (11) K reads तिलसृष्टिं.
(12) M has मासद्वयपर्याप्तञ्जीत्, which is incorrect. (13) रसकन्धाम-
रसकं, a variant in M. (14) K reads तुल्थ. (15) K reads
माक्षिया, which is incorrect.
32