मूलमध्यमककारिका (आचार्य नागार्जुन - चन्द्रकीर्ति प्रणीत प्रसन्नपदा व्याख्या सहित)

२५० मध्यमकशास्त्रे [२७. ३-
भविष्यामि न च न भविष्याम्यनागतमध्वानम्, इत्येताश्चतस्रो दृष्टयः अपरान्तं समाश्रिताः ।
किमेता एव चतस्रो दृष्टयः अपरान्तं समाश्रिताः ? नेत्याह । किं तर्हि अपरा अपि चतस्रो
विद्यन्ते अन्ताद्या अपरान्तं समाश्रिताः । तत्र अन्ताद्याश्चतस्रो दृष्टयः सामान्येन अपरान्तमाश्रित्य
प्रवृत्ताः, किं तु भविष्याम्यनागतमध्वानमित्येतास्तु आत्मन एवापरान्तमाश्रित्य प्रवृत्ताः, इत्येवं
५ दृष्टिचतुष्टयस्य विशेष इति बोद्धव्यम् ॥ २ ॥
तत्र आद्यस्य तावत् पूर्वान्तालम्बिकस्य दृष्टिचतुष्टयस्य यथा न संभवः, तथा
प्रतिपादयन्नाह -
अभूमतीतमध्वानमित्येतन्नोपपद्यते ।
यो हि जन्मसु पूर्वेषु स एव न भवत्ययम् ॥ ३ ॥
B 574 १० तत्र य एव अतीतेषु जन्मसु बभूव, यदि स एवायमधुना स्यात्,