मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

‘स्वसंस्कारोचिताद्भोगादप्रच्यावः शरीरिणाम् ।
प्रोक्तं संरक्षणं नाम न्यायेन परिकल्पनम् ॥’
इति । विमुक्तिशब्देनात्रानुध्यानरूपोऽनुग्रह
इत्येतत्परमेश्वरस्य संबन्धि पञ्चविधं कृत्यं, का-
रकैः शक्त्यादिभिः, फलेन च भुक्तिमुक्त्या-
त्मना सहितं ज्ञेयमवबोद्धव्यम् । एतच्च न मा-
यादिभिः कर्मभिर्वा निर्वर्तयितुं शक्यम-
चैतन्यात्, नापि पुरुषेणास्य मलनिरुद्धश-
क्तित्वात् । न चानीश्वरोऽत्र कर्ता युक्तः । यश्चै-
तत्सृष्ट्यादि कर्तुं शक्नोति, सोऽवश्यं तद्विषयज्ञः
चिकीर्षितकार्यविषयाणां ज्ञानविशेषाणामंशे-
नापि वैकल्ये तत्तत्कार्यानिष्पत्तेः । अतश्च सर्व-
कर्त्रा सर्वज्ञेन तेन च स्वभावसिद्धेन जगतः कर्त्रा
भवितव्यम् । अर्वागिति आदिमत्त्वेन सिद्धे त-
स्मिन्नभ्युपगम्यमाने यदि कारणात् कुतश्चित्तस्या-
सावनुग्रहस्तस्यापि कारणं, तत्कारणस्यापि कार-
णान्तरं मृग्यमित्यनवस्था । अथास्य विनैव
कारणं स्वत एव तथाविधमैश्वर्यं तदकस्मा-
जातं, तर्ह्येष निर्हेतुको मोक्षोऽन्यानपेक्षणात्
सर्वस्यैव स्यात्, तस्यापि वा न स्यात् । यदाहुः