मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

४० मृगेन्द्रतन्त्रे । [ १।१
किंत्वेकोऽस्तु मम प्रष्टा
निखिलश्रोतृसंमतः ॥२०॥
ते भरद्वाजादयस्तं प्रत्यक्षीकृतस्वस्वरूपमिन्द्रं
ऋग्यजुःसामभिः प्रह्वाः सन्तस्तुष्टुवुः । स च
सर्वजगत्प्रवरो वरो भवद्भिरभ्यर्थ्यतामिति
तानाह । ते तदैवमुक्ताः पारमेश्वरं ज्ञानं शास्त्रं
वृतवन्तः । स तु तदभ्यर्थितं ज्ञानोपदेशं दातुं
तान् प्रतिवचनं श्रूयतामित्याह, किंतु ममैक
एव भवतां मध्यात् सकलश्रोतृजनाभिमतो
यथावसरमनुक्तवस्तुनः प्रष्टा भवतु, सर्वैश्चैव
भवद्भिः श्रूयतामिति ॥ २० ॥
एवं भगवता शक्रेणोक्ते सति
अथ तेषां भरद्वाजो
भगवानग्रणीरभूत् ।
वाग्मी प्रगल्भः पप्रच्छ
न्यायतः सुरपूजितम् ॥ २१ ॥
अथानन्तरं, तेषां मध्यादैश्वर्यादिगुणयो-
गात् भगवान् विविधशास्त्राभ्यासाधिवासप्रश-