मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

श्रीमद्भट्टनारायणकण्ठविरचितवृत्त्युपेते । ७
इत्थमनुतिष्ठतः किं स्यादित्याह
तेनेन्द्रियार्थसंसर्ग-
विनिवृत्तेश्चितो मतिः ।
धारणायोग्यतामेति
पदे स्वेच्छाप्रकल्पिते ॥ ६ ॥
तेन प्रत्याहारेण चितश्चित्तस्येन्द्रियार्थसंयो-
गात् प्रत्याहृतत्वात् या विनिवृत्तिः स्वव्यापार-
विरतिः तस्या हेतुभूतायाः स्वेच्छाप्रकल्पिते पदे
वक्ष्यमाणधारणायोग्यतां मतिरभ्येति । न चात्र
मतिर्बुद्धिः अपि तु मननं मतिः संकल्पाख्यश्चे-
तसो व्यापारः, तस्यैव धारणाश्रवणात् । यदाह
पतञ्जलिः 'देशबन्धश्चित्तस्य धारणा' ( १।३ )
इति । तथा 'धारणासु योग्यता मनसः।' ( ५३।२ )
इति ॥ ६ ॥
ध्यानं वक्तुमाह
चिन्ता तद्विषया ध्यानं
तच्चादिष्टं मुहुर्मुहुः ।
धारणानिरुद्धस्य चित्तस्य त्रिनेत्रपञ्चवक्रा-