मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

श्रीमद्भट्टनारायणकण्ठविरचितवृत्त्युपेते । ३३१
ध्रुवतेजोधिपौ रुद्रौ
गहनेशश्च विश्वराट् ॥१५३॥
मायाधिकारिणो रुद्रा
मण्डलाधिपतीश्वराः ।
संसारचक्रकारूढ-
भूतग्रामविवर्तकाः ॥ १५४ ॥
एतावत्येव घोरेयं
सर्वभूतभवावनिः ।
सीदन्त्यज्ञानिनो यस्यां
पङ्के गाव इवाचलाः ॥१५५॥
अमी मायाधिकारिणोऽनन्तेशादयोऽष्टौ रुद्राः
संसार एवाजस्रभ्रमाच्चक्रं तदारूढस्य भूतग्रा-
मस्य विवर्तकाः संसरणकराः । इयत्येव चैषा
घोरा अशिवा सर्वभूतानां भवभूमिर्यस्याम-
विद्वांसः कर्दमनिमग्नाशक्तवलीवर्दवदवसादं
यान्ति ॥ १५५ ॥
अथ विद्याभुवनस्था विद्याराज्ञ्य उच्यन्ते
भृगुणी ब्रह्मवेताली
स्थाणुमत्यम्बिका परा ।