मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

श्रीभट्टनारायणकण्ठविरचितवृत्त्युपेते । २९३
दृषदा, सा च ब्राह्मणवृन्दस्तुता प्रालेयाद्रि-
द्युतिभिर्भवनैः शोभते ॥ ५३ ॥
ज्वलल्ललाटदृग्दग्ध-
स्मरमृत्युंयशोभृतः ।
पुरी यशोवती सर्व-
रत्नजा रुद्रसेविता ॥ ५४ ॥
ज्वलता तृतीयेनाक्ष्णा दग्धौ कामकालौ
येन, अत एव तथाविधसकलजगद्वैरिविनाशा-
द्यशोभृत ईशाननाथस्य सर्वरत्नविनिर्मिता रुद्रैः
सेविता च यशोवती नाम पुरी ॥ ५४ ॥
इति सर्वर्तुसुखदा-
श्चक्रवाटार्धविस्तृताः ।
पुर्योऽष्टावनिलोद्धूत-
पारिजातरजोऽरुणाः ॥ ५५ ॥
वेधसा निर्मिता लोक-
पालचक्रानुवर्तिनाम् ।
भूतये स्वर्ग इत्येता
गीयन्ते कविभिः क्षितौ ॥ ५६ ॥