मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

२४६ मृगेन्द्रतन्त्रे । [ १।१२
निष्कृष्टवान् अविभिन्नमहङ्कारमाविर्भाव्य त्रि-
धा व्यभजदित्यर्थः ॥ १ ॥
तदेव त्रैविध्यमाह
तैजसो वैकृतो योऽन्यो
भूतादिरिति संस्मृतः ।
तेभ्यः समात्रका देवा
मात्रेभ्यो भूतपञ्चकम् ॥ २ ॥
तैजसवैकारिकभूतादिकसंज्ञकेभ्यस्तेभ्योऽह-
ङ्कारस्कन्धेभ्यो देवा बुद्धीन्द्रियकर्मेन्द्रियाख्याः
समात्रकास्तन्मात्रसहिताः, तन्मात्रेभ्यश्च भूत-
पञ्चकमभिव्यक्तमिति शेषः ॥ २ ॥
अथ कुतः किमभिव्यक्तम् । आह
श्रोत्रं त्वक्चक्षुषी जिह्वा
नासा च मनसा सह ।
प्रकाशान्वयतः सात्त्वा-
स्तैजसश्च स सात्त्विकः ॥ ३ ॥
श्रोत्रादिबुद्धीन्द्रियपञ्चकस्य मनसश्च प्रबो-
धवत्त्वात् प्रकाशान्वयोऽस्ति, अतः सात्त्विका