मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

१३० मृगेन्द्रतन्त्रे । [१४
वतिष्ठते निरुद्धव्यापारांस्तांस्तान्करोतीत्यर्थः ।
कुत इत्याह सर्वभूतहितो यतः, यस्मात् सर्वेषां
भूतानां हिताय प्रवृत्तः परमेश्वरः खेदापनोदाय
विश्रान्तिं स्वापलक्षणामेषां करोति ॥
ततस्तु
स्वापावसानमासाद्य
पुनः प्राग्वत्प्रवर्तते ॥ १४ ॥
वक्ष्यमाणकालपरिमाणस्य स्वापस्यान्ते भूयः
पूर्ववदहर्मुखे परमेश्वरश्चेष्टते ॥ १४ ॥
तत्स्वापेऽपि क्रियादिशक्तयस्तत्तत्कार्यनिष्पा-
दनोद्युक्ता भवन्तीत्याह
स्वापेऽप्यास्ते बोधयन्बोधयोग्यान्
रोध्यान्रुन्धन्पाचयन्कर्मिकर्म ।
मायाशक्तीर्व्यक्तियोग्याः प्रकुर्वन्
पश्यन्सर्वं यद्यथा वस्तुजातम् ॥१५
जाग्रदवस्थायामिव स्वापावस्थायामपि म-
लपरिपाकतारतम्यापेक्षया बोधनार्हान् बोध-
यन्, रोधनार्हान् रोधनशक्त्या रुन्धन्, कर्मिणां