मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

अथ
श्रीमृगेन्द्रतन्त्रे ।
विद्यापादे ।
(चतुर्थः पटलः)
तदेवमन्वयव्यतिरेकाभ्यां पतिपदार्थं प्र-
साध्य, तत्स्वरूपनिरूपणाय मूलसूत्रोपक्रान्तं
सर्वकृत्पदं तावत्प्रपञ्चयितुं पटलान्तरमारभते ।
तस्य चानन्तरपटलान्तसूचितकृत्यनिरूपणार्थ-
त्वाद्विद्यापादाख्यप्रकरणानुषङ्गाच्च पाटलिकप्रा-
करणिकौ संबन्धौ ज्ञेयौ । पदार्थादिसंबन्धास्तु
प्राग्वदनुसन्धेयाः ।
स इत्थंविग्रहोऽनेन
करणेनाहतौजसा ।
करोति सर्वदा कृत्यं
यदा यदुपपद्यते ॥ १ ॥
इत्थमित्यनेनोक्तप्रकारेण मन्त्रात्मको वि-