मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

श्रीभट्टनारायणकण्ठविरचितवृत्त्युपेते । ११९
तस्या भेदा येऽपि वामादयः स्यु-
स्तेऽपि प्रोक्ताः कृत्यभेदेन सद्भिः॥
परमार्थतः परमेश्वरस्याशरीरत्वाच्छक्तिरेव
देहकार्यं कुर्वती देहाख्ययोक्ता । तस्याश्चैकस्या
अपि कृत्यभेदाद्वामादिभेदभिन्नत्वम् । यथा व-
ह्निशक्तेर्दाह्यप्रकाश्यर्थविषये दाहप्रकाशप्रकर-
णाद्गौणमनेकत्वं वस्तुत एकत्वात्तस्याः ॥ १४ ॥
इति श्रीमद्विद्याकण्ठात्मजभट्टनारायणकण्ठविरचितायां
मृगेन्द्रवृत्तौ तृतीयं प्रकरणम् ॥ ३ ॥