मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

११४ मृगेन्द्रतन्त्रे। [ ११३
विनिर्मितमपरिमितसामर्थ्यमदिग्देशकालाका-
रव्यवच्छिन्नमनुपममहिम तच्छरीरं, नत्वस्म-
दादिशरीरसदृशम्॥
अत एव हि
तद्वपुः पञ्चभिर्मन्त्रैः
पञ्चकृत्योपयोगिभिः॥ ८॥
ईशतत्पुरुषाघोर-
वामाजैर्मस्तकादिकम्।
यथाक्रममनुग्रहतिरोभावादानरक्षणोत्पत्ति-
लक्षणकृत्यपञ्चकेऽवश्यमुपयोगो येषां तैरीशा-
नादिभिः पञ्चभिर्मन्त्रैस्तत् मूर्धादि वपुः ‘देव-
स्योच्यते’ इत्यध्याहारः। वरैः पुष्णाति ध्यायिनः
इति वपुःशब्दस्यान्वर्थता, भक्तानुग्रहणाय त-
त्तदाकारग्रहणस्यागमेषूपदिष्टत्वात्। तथाचोक्तं
श्रीमत्पौष्करे
‘साधकस्य तु लक्ष्यार्थं तस्य रूपमिदं स्मृतम्।’
इति॥