मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

श्रीभट्टनारायणकण्ठविरचितवृत्त्युपेते । १०७
यच्चैतच्छक्त्यात्मकं करणं
विषयानियमादेकं
बोधे कृत्ये च तत्तथा ।
यस्य ज्ञेयानां करणीयानां चानन्त्यं, तस्य
करणैरप्यनन्तैर्भवितव्यम्। अपरिमितविषयं च
परमेश्वरस्य ज्ञानं कृत्यं च। यद्वक्ष्यति
‘.......................शाङ्करम्। (५ पट०)
ज्ञानम्............................॥’
इति प्रक्रम्य
‘तदेकं विषयानन्त्याद्भेदानन्त्यं प्रपद्यते।
कर्तृत्वं तदभिन्नत्वात्तद्गदेवोपचारतः॥’ (५ पट०)
इति। तस्माद्विषयस्य ज्ञेयस्य करणीयस्य चा-
नियतत्वादनवच्छिन्नत्वादेकमपि तच्छक्तिरूपं
करणं बोधविषये कृत्यविषये च तथेत्यनवच्छि-
न्नमनन्तमेवेत्यर्थः ॥
अथ मतान्तरनिरनुभाषणेनेश्वरास्तित्वमेव
द्रढयति
कार्यं न स्थितिजन्मादि
बीजस्य प्रकृतेरणोः ॥ ५ ॥
परिशेष्यान्महेशस्य
मुक्तस्य शिव एव सः ।