मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

श्रीमन्नारायणकण्ठविरचितवृत्त्युपेते । ९१
लब्धशरीरेण ज्ञानसन्तानेन परत्र भोगोपपत्तेः।
तदयुक्तमशरीरस्य ज्ञानसन्तानस्य सद्भावे
प्रमाणाभावात् । कर्मफलभोगान्यथानुपपत्त्या
विज्ञानसन्तानसिद्धिस्तत्सिद्ध्या च कर्मफलभोग
इत्यनुपपन्नमस्थैर्यं संवेदनस्य । इतश्च क्षणिकं
संवेदनमित्यसत् । कुत इत्याह 'अतीता-
नुभवस्मृतेः' अतीतः समतिक्रान्तो यस्या-
नुभवस्तस्य स्मरणात् । यदा हि स्थिरस्व-
भाव उभयकालानुसंधाता आत्माभ्युपगम्यते,
तदानुभूतविषयासंप्रमोषरूपं स्मरणमुपपद्यते,
नतु क्षणिकत्वे। नहि प्राक्तनक्षणानुभूतसुखदुः-
खादिसंवेदनं वर्तमानेन कालान्तरभाविना
वा क्षणेन स्मर्तुं शक्यं तस्यान्यत्वात् यथा न
देवदत्तानुभूतं तत्पुत्रः स्मरति । दृश्यते च
शैशवाद्यनुभूतं यौवनस्थाविराद्यवस्थासु स्मर्य-
माणम् । साचेयमतीतानुभवस्मृतिः क्षणिकतां
विज्ञानस्य निरस्यति, नतु स्थिरस्वभावमा-
त्मानमनुमापयति तस्य स्वसंवेदनसिद्धस्य स्वा-
नुभूत्येकप्रमाणत्वात् ॥