मानसार शिल्पशास्त्र (प्रसन्ना कुमार आचार्य - प्राचीन भारतीय स्थापत्य, नगर-नियोजन व मूर्ति-शिल्प महाकोश)

३] गोपुरविधानम् २९५
नवभागं तथायामे कोष्ठायामं शरांशकम् ।
त्रिभागं वास्यभद्रं स्यान्निर्गमं चैकभागिकम् ॥ २२२ ॥ 444
दशभागं तथायामे पूर्ववत्परिकल्पयेत् ।
एकादशांशकं कुर्यात्पञ्चांशं मध्यकोष्ठकम् ॥ २२३ ॥
द्वादशांशं तथायामे शालायामं षडंशकम् ।
मध्ये द्विभाग(गं) भद्रं स्यान्निर्गमं चैकभागिकम् ॥ २२४ ॥ 448
हारस्य मध्यदेशे तु अ(चा)नुशाला विशालकम् ।
तत्पार्श्वद्वययो(योर) द्वारं नासिकापञ्जरान्वितम् ॥ २२५ ॥
शेषं तु पूर्ववत्कुर्याद्युक्त्या तत्रैव योजयेत् ।
विस्तारे सप्तभागं तु वसुभागं तथायतम् ॥ २२६ ॥ 452
भित्तिविस्तारमेकांशं परितः शेषा(णम)न्तरालि(ल)कम् ।
तत्तद्वाह्यावृतांशेन शेषमूह्यं विचक्षणैः ॥ २२७ ॥
नवभागं तथायामे दशभागमथापिवा ।
एकादशांशकं वापि विन्यसेच्चैव पूर्ववत् ॥ २२८ ॥ 456
त्रयोदशांशमायामे मध्यशाला विशालयुक् ।
त्रिभागं चान्तरालं स्याच्चतुर्दशायतं तथा ॥ २२६ ॥
मध्यकोष्ठं तदष्टांशं शेषं प्रागुक्तवन्नयेत् ।
अथवा चाष्टभागं तु विस्तारं तु नवायतम् ॥ २३० ॥ 460
द्विभागं भित्तिविस्तारं शेषं नालिगृहं मतम् ।
तद्बाह्ये परितश्चांशं कर्णकूटाद्यमानकम् ॥ २३१ ॥
अथवा दशभागं स्यात्तदेकादशभागिकम् ।
द्वादशायतं वाथ त्रयोदशायतं ततः ॥ २३२ ॥ 464
चतुर्दशायतं वापि पञ्चा(ञ्च)दशांशदीर्घकम् ।
मध्यकोष्ठं शरांशं स्यात्तत्समं चान्तरालकम् ॥ २३३ ॥
तस्य मध्ये विशेषेण त्रिभागं चानुशालकम् ।
एकं चाप्यर्धभागं वा मध्यकोष्ठन्तु(स्य) निर्गमम् ॥ २३४ ॥ 468
अष्टभागं तथायामे मध्यकोष्ठं रसांशकम् ।
शेषं पूर्ववदुद्दिष्टं नवभागमथापि वा ॥ २३५ ॥