मल्लपुराण (ज्येष्ठिमल्ल - प्राचीन भारतीय मल्लविद्या, अखाड़ा व्यायाम व कुश्ती महाग्रन्थ)

नवमोऽध्यायः । ४५
गव्यं दधि स्वादुकरं म(ब)लकं ग्राहकं तथा ।
उष्मघ्नं च वातघ्नं मेदःशुक्रकरं तथा ॥ ६३ ॥
रक्तपित्तश्लेष्मशोषनाशनं स्निग्धमेव च ।
तथैव पाके मधुरं दीपनं बलवर्धनम् ॥ ६४ ॥
वातहरं पवित्रं च रुचिकामिकरं५८ तथा ।
इति ज्ञात्वा प्रयोक्तव्यं गव्यं दधि यथोचितम् ॥ ६५ ॥
आजं५९ दधि चाष्टगुणं कफवातहरं परम् ।
पाचनं बलसंयुक्तं कृमिनाशनमेव च ॥ ६६ ॥
कासहरं श्वासहरं अग्निदीपनमेव च ।
एवंगुणं६० च विज्ञाय भोक्तव्यं सर्वदा दधि ॥ ६७ ॥
माहिषं६१ द्वादशगुणं दधि निश्चित्य कथ्यते ।
विपाके मधुरं वृष्यं रक्तपित्तहरं तथा ॥ ६८ ॥
बलसंवर्धनं स्निग्धं महन्मादकर्मेव६२ च ।
मधुरं कफहरं६३ चैव मेदोवृद्धिकरं परम् ॥ ६९ ॥
रसे पाके६४ च मधुरं तथा वातकरं परम् ।
गव्यघृतस्य चाष्टौ ये गुणा मे कथितास्तवै ॥ ७० ॥
विपाके मधुरं चैव६६ वातपित्तहरं तथा ।
विषहरं चाग्निकरं चक्षुर्निर्मलकारकम्६७ ॥ ७१ ॥
तथा बलंकरं६८ चैव गुणा गव्यघृतस्य च ।
आजस्य च घृतस्यापि गुणास्तेपि प्रकीर्तिताः ॥ ७२ ॥
चाक्षुष्यं दीपनं बल्यं कासघ्नं६९ श्वासनाशनम् ।
क्षयरोगहरं चैव अजाया घृतमुत्तमम् ॥ ७३ ॥
५८ रुचिकामकरम् B. ५९ आज्यं P. ६० गुणां P. ६१ माहिष्यम् P.
६२ महामोदकमेव B. ६३ कलहरम् P. ६४ रसपाके B. ६५ गुणान्स्ते कथयाम्यहम् P.
६६ शीत P. ६७ चक्षुर्निर्माल्याकारकम् P. ६८ मलकरम् B. ६९ काशघ्नं B.