ललिता सहस्रनाम: सौभाग्यभास्कर भाष्य (भास्करराय मखी प्रणीत मूर्धन्य शाक्त भाष्य)

२ ललितासहस्रनाम ।
त्रिपुरां कुलनिधिमीडेऽरुणश्रियं कामराजविद्धाङ्गीम् ।
त्रिगुणैर्देवैर्नुतामेकान्तां बिन्दुगां महारम्भाम् ॥ १ ॥
षवः श्रीमन्नृसिंहानन्दनाथनामानोऽस्मद्गुरुचरणाः निरन्तरनिरन्तराया अपि शिष्यशिक्षायै
मङ्गलमाचरन्ति—त्रिपुरेति । त्र्यात्मकं पुरं भूपुरं मण्डलकोणरेखामन्त्रादिसमूहो वा
यस्याः सा त्रिपुरा । तदुक्तं कालिकापुराणे 'त्रिकोणं मण्डलं चास्या भूपुरं च त्रिरेखकम् ।
मन्त्रोऽपि त्र्यक्षरः प्रोक्तस्तथा रूपत्रयं पुनः । त्रिविधा कुण्डलीशक्तिस्त्रिदेवानां च
सृष्टये । सर्वं त्रयं त्रयं यस्मात्तस्मात्तु त्रिपुरा मते'ति । कुलस्य सजातीयसमूहस्य निधिं
मातृमानमेयरूपत्रिपुत्र्या एकज्ञानविषयत्वेन साजात्यात् । घटमहं जानामीत्येव ज्ञाना-
कारात् 'जानामीति तमेव भान्तमनु भायेत्तत्समस्तं जग' दिति श्रीमदाचार्यभगवत्पा