काव्यादर्श (महाकवि दण्डी - प्रसादिनी सान्वय हिन्दी व्याख्या सहित)

२३४ काव्यादर्श
किरोड़ीमलमहाविद्यालये दिल्लोस्थिते गिराम् ।
दिव्यानां पाठकः पुण्यैर्लेखनीं ग्राहितः करे ॥ १८ ॥
(१) आद्यानिरुक्तमीमांसा, (२) निरुक्ताध्यायपञ्चके ।
(३) अध्यायत्रितये चैव विद्वच्छात्रोपयोगिके ॥ १६ ॥
व्याख्ये, (४) वैदिकवाङ्मये भाषाचिन्ता तुरीयिका ।
(५) तारोदयाख्या व्याख्या च सत्तर्कसङ्ग्रहे, ततः ॥ २० ॥
(६) बालप्रबोधिनी टीकोपन्यासश्च पुरातने ।
तर्कसङ्ग्रहटीके द्वे पाठशोधात् प्रकाशिते ॥ २१ ॥
(७) आद्याध्याययोर्व्याख्या गीताभाष्यनवाम्बरा ।
(८) टीकेशोपनिषद्भाष्ये कुसुमाञ्जलिनामिका ॥ २२ ॥
(६) निगमबोधतीर्थस्य श्रीशङ्करजगद्गुरोः ।
चरिताख्यानकाव्यस्यान्वयानुवादभूषणम् ॥ २४ ॥
(१०) सिद्धान्तकौमुदीम्वादि व्याख्याऽऽद्या भवतोषिणी ।
छात्रावस्थाकृतारम्भा पूरिताऽध्यापकेन या ॥ २३ ॥
त्रयोविंशतिरस्यांश्च लिखितायाः समा गताः ।
प्रकाश्येति' दशग्रन्थीसन्तत्याऽतुष्टमानसः ॥ २५ ॥
विद्वत्पादरजोमृष्टाशेषधातुमलः शिवः ।
(११) टीकामातनवं चेमां दययाच्छात्रमण्डले ॥ २६ ॥
भक्त्या दण्डिनि, गीर्देव्याः कृपया, पुण्यसम्पदा ।
ब्राह्मम्यं सफलं मन्वे गीर्वागध्ययनं तथा ॥ २७ ॥
(आशीः)
शास्त्रचर्चामिषेणेयमाराधना शुभप्रदा ।
प्रीतये युषदो देव्यै बोभूताद् दण्डिनो मयि ॥ २८ ॥
प्रीयतां चैव नित्या सा नित्य वागीश्वरी शुभा ।
विधौतान्तर्मला दिव्या चतुर्वर्गप्रदायिनी ॥ २६ ॥
श्रद्धयेतोऽपि भूयस्या सेवेय भारतीं सदा ।
आविर्भयान्मतौ मे सा मन्दायामपि भास्वती ॥ ३० ॥
त्रिभिरृणैर्ऋणावा यज्जायते पुरुषस्त्विह ।
तेषामेकतमस्यापि लभेयानृण्यमंशतः ॥ ३१ ॥
॥इति श्रीदण्ड्याचार्यकृतौ काव्यादर्शे तृतीये शब्दालङ्कार-दोष-लक्षण-परिच्छेदे
शिवनारायणशास्त्रिकृता प्रसादिनी नाम टीका पूर्णा ॥
१. विश्वविद्यालयेनेयं दिल्याख्येन प्रकाशिता ।
भूयसा विदुषां तोषमाधेयादवलोकिता ॥