काशिका वृत्ति (आचार्य वामन एवं जयादित्य - अष्टाध्यायी सूत्र-वृत्ति सम्पूर्ण सान्वय सटीक)

७८० ॥ काशिका ॥ ८ ॥ २ ॥
यज्ञकर्म्मणीति वर्त्तते । यज्ञकर्म्मणि टेः प्रणव आदेशो भवति । क एष
प्रणवो नाम पादस्य वार्थर्चस्य वान्त्यमक्षरमुपसंहृत्य तदाद्यक्षरशेषस्य स्थाने
त्रिमात्रमोकारमोङ्कारं वा विदधति तं प्रणवमित्याचक्षते । अपां रेतांसि जिन्व-
तो३म् । देवान् जिगाति सुम्नयो३म् । टिग्रहणं सर्वादेशार्थम् * । ओकारः सर्वा-
देशो यथा स्यात् । व्यञ्जनान्ते चान्त्यस्य मा भूदिति । यज्ञकर्म्मणीत्येव ।
अपां रेतांसि जिन्वति ॥
याज्यान्तः ॥ ९० ॥
याज्या नाम ये याज्याकाण्डे पठ्यन्ते मन्त्रास्तेषामन्त्यो यष्टिः स प्लवते
यज्ञकर्मणि । स्तोमैर्विधेमाग्नये३ । जिह्वामग्ने चकृषे हव्यवाहम ३ । अन्त्यग्रहणं
किम् । याज्या नाम ऋचः काश्चिद्वाक्यसमुदायरूपाश्च यावन्ति वाक्यानि
तेषां सर्वेषां टेः प्लुतः प्राप्नोति । सर्वान्त्यस्यैवेष्यते तदर्थमन्त्यग्रहणम् ॥
ब्रूहिप्रेष्यश्रौषड्वौषडावहानामादेः ॥ ९१ ॥
ब्रूहि प्रेष्य श्रौषट् वौषट् आवह इत्येतेषामादेः प्लुतो भवति यज्ञकर्म्मणि ।
अग्नये ऽनुब्रू३हि । प्रेष्य । अग्नये गोमयान्प्रे३ष्य । श्रौषट् । अस्तु श्रौ३षट् ।
वौषट् । सोमस्याग्ने वीही३वौ३षट् । आवह । अग्निमा३वह । आवह देवान्यज-
मानायेत्येवमादावयं प्लुतो न भवति । सर्वे विधयश्छन्दसि विकल्प्यन्तइति ॥
अग्नीत्प्रेषणे परस्य च ॥ ९२ ॥
अग्नीधः प्रेषणमग्नीत्प्रेषणम् । तत्रादेः प्लुतो भवति परस्य च । ओ३श्रा-
वय । ओ३श्रावय ॥ अत्रैवायं प्लुत इष्यते ॥ तेनेह न भवति । अग्नीदग्नीन्वि-
हर बर्हिस्तृणीहीति । तदर्थं के चिद्वक्ष्यमाणं विभाषेत्यभिसंबध्नन्ति । सा च
व्यवस्थितविभाषेति । अपर आह । सर्व एव प्लुतः साहसमनिच्छता विभाषा
विज्ञेय इति । इह तु उद्धर३उद्धर । अभिहर३ । अभिहरेति । छान्दसः प्लुत-
व्यत्ययः । यज्ञकर्म्मणीत्येव । ओ श्रावय ॥
विभाषा पृष्टप्रतिवचने हेः ॥ ९३ ॥
पृष्टप्रतिवचने विभाषा हेः प्लुतो भवति । अकार्षीः कटं देवदत्त । अकार्षी
हि३ । अकार्षी हि । अलावीः केदारं देवदत्त । अलाविषं हि३ । अलाविषं हि ।
पृष्टप्रतिवचनइति किम् । कटं करिष्यति हि । हेरिति किम् । करोमि ननु ॥
निगृह्यानुयोगे च ॥ ९४ ॥
स्वमतात्प्रच्यावनं निग्रहः । अनुयोगस्तस्य मतस्याविष्करणम् । तत्र
निगृह्यानुयोगे यद्वाक्यं वर्त्तते तस्य टेः प्लुतो भवति विभाषा । अनित्यः शब्द

• हेरिति वर्त्तमाने इत्याधिकं पुस्तकान्तरे ।