काशिका वृत्ति (आचार्य वामन एवं जयादित्य - अष्टाध्यायी सूत्र-वृत्ति सम्पूर्ण सान्वय सटीक)

३१८ ॥ काशिका ॥ ४ ॥ २ ॥
अमेभ्यो निष्ठाश्चण्डालादिः ॥ आविसश्छन्दसि ॥ * ॥ आविसशब्दाच्च छन्दसि
त्यप् प्रत्ययो भवति। आविष्ट्यो वर्तते ॥ आरण्यायणो वक्तव्यः ॥ * ॥ आरण्याः
सुमनसः ॥ दूरादेत्यः ॥ * ॥ दूरेत्यः पथिकः ॥ उत्तरादाहञ् ॥ * ॥ औत्तराहः ॥
ऐषमोह्यःश्वसो ऽन्यतरस्याम् ॥ १०५ ॥
ऐषमस् ह्यस् श्वस् इत्येतेभ्यो ऽन्यतरस्यां त्यप् प्रत्ययो भवति शैषिकः।
ऐषमस्त्यम्। ऐषमस्तनम्। ह्यस्त्यम्। ह्यस्तनम्। श्वस्त्यम्। श्वस्तनम्।
श्वसस्तुट् चेति ठजपि तृतीयो भवति। शौवस्तिकम् ॥
तीररूप्योत्तरपदादञ्ञौ ॥ १०६ ॥
तीरोत्तरपदाद् रूप्योत्तरपदाच्च प्रातिपदिकाद्यथासंख्यमञ् ञ इत्येतौ
प्रत्ययौ भवतः शैषिकौ। अणोऽपवादौ। काकतीरम्।