कर्पूरमञ्जरी (महाकवि राजशेखर - प्राकृत सट्टक एवं सान्वय हिन्दी व्याख्या)

द्रोणादुपार्जितधनुर्निगमप्रकर्षा-
त्सर्वामपि स्थितवतो वयसि प्रकाशे ।
भ्रातृश्शतं तव हनिष्यति भीमसेनः
काले गदाप्रहरणो रणकर्मशौण्डः ॥ ५३ ॥
ततश्च,—
दोर्दण्डमण्डलितचण्डगदाप्रहारै-
रामूलतस्तडदिति त्रुटितोरुसंधेः ।
दुर्योधनस्य विकटां मुकुटाग्रपीठिं
द्राग्लोठयिष्यति रणे चरणेन भीमः ॥ ५४ ॥
शकुनिः—निर्गच्छत वनवासाय । को हि द्यूतजितानामुद्विजते
मौखर्येण ?
( इति निष्क्रान्ताः सर्वे । )
इति महाकविश्रीराजशेखरकृते प्रचण्डपाण्डवापरनाम्नि
बालभारते नाटके द्वितीयोऽङ्कः ।