कामिक आगम: पूर्व भाग (अष्टाविंशति मूल शैव आगमों का प्रथम एवं सर्वोच्च आगम महाकोश)

१४ भूकर्षण विधिः
14 bhūkarṣaṇa vidhiḥ
14 Directions for Ploughing the Selected Ground
अतःपरं प्रवक्ष्यामि ग्रामादीनां च कर्षणम्।
सुश्वेतौ वृषभौ दान्तौ युवानौ बलसंयुतौ॥ १
अप्रोतनासिकौ साण्डौ शुभलक्षण संयुतौ।
ककुदं च तथा वालखुरशृङ्गाणि भूषयेत्॥ २
तदाकृतिकृतैर्हेम भूषणैर्गन्धपुष्पकैः।
उक्तलक्षण वर्णाढ्यं गृहीत्वा गोवृषद्वयम्॥ ३
तर्पयित्वा गुलैः क्षीरैस्ततः कर्षणं आरभेत्।
ataḥparaṁ pravakṣyāmi grāmādīnāṁ ca karṣaṇam|
suśvetau vṛṣabhau dāntau yuvānau balasaṁyutau|| 1
aprotanāsikau ṣāṇḍau śubhalakṣaṇa saṁyutau|
kakudaṁ ca tathā vālakhuraśṛṅgāṇi bhūṣayet|| 2
tadākṛtikṛtairhema bhūṣaṇairgandhapuṣpakaiḥ|
uktalakṣaṇa varṇāḍhyaṁ gṛhītvā govṛṣadvayam|| 3
tarpayitvā gulaiḥ kṣīraistataḥ karṣaṇaṁ ārabhet|
Then, in continuation of taking possession of the ground, I explain the process of ploughing the ground prior
to the planning of the village and other settlements. Two bullocks which are in pure white color, which are
well tamed, charmingly young, associated with enough strength, whose noses are not pierced; uncastrated;
and which are associated with auspicious lineaments should be brought to the ground. The hump, tail,
hooves and horns of these bulls should be adorned with the ornaments made of small gold plates carved with
the image of the bull and with perfumes and flowers. Having brought the two bulls associated with afore
mentioned color and other features, the Acharya should worship them and offer molasses and milk to them
and then commence the ritual of ploughing.
तस्योपकरणं द्रव्यं खादिरं देवविप्रयोः॥ ४
नृपाणां खादिरो राजतरुस्स्याद्वैश्य शूद्रयोः।
निम्बश्च वकुलश्चापि गवाक्षी कङ्कलस्तथा॥ ५
तिन्दुकः करवर्णश्च सर्वेषां तु महीरुहाम्।
हलश्च लाङ्गलो मुष्टिर्युगमस्य प्रकीर्तितः॥ ६