कामकलाविलास (पुण्यानन्दनाथ - श्रीविद्या तत्त्व-विमर्श एवं चिद्वल्ली टीका सहित)

श्रीमत्पुण्यानन्दाचार्यविरचितः ४७
आधारनवकस्था
नवचक्रत्वेन परिणतिं याताः ।
नवनाथशक्तयोऽपि च
मुद्राकारेण ताश्चक्रे ॥ ४७ ॥
त्रिखण्डया सह त्रिखण्डाख्यमुद्रया साकं, समुच्छ्रिताः
सम्यक् उच्छ्रिताः -- सर्वोत्कर्षेण वर्तमानाः, आदिमहीगृह-
वासाः - आदिमचतुरश्रनिलयाः, भासा कान्त्या, बालार्क-
कान्तिभिः तरुणारुणरुचिभिः, सदृशाः तुल्याः, संविन्मय्यः
चिद्धननिष्ठा इत्यर्थः । एतास्तु मुद्राः चतुरश्रादिबैन्दवान्त-
नवचक्राधिष्ठाननायिका इति परमशिवेन प्रपञ्चिताः । एतदेव
विवृणोति आधारेत्यादि, आधारनवकं - मूलाधार-स्वाधि-
ष्ठान-मणिपूरकानाहत-भ्रूमध्य-विशुद्धि-लम्बिकाज्ञा-बिन्दुरूपं
यस्या उपासकरूपिण्याः संबन्धि, येन हेतुना नवचक्रत्वेन
बैन्दवात्मना परिणतेन आकारेण, नवनाथशक्तयः नवमुद्रा-
कारेण, परिणता जाता इत्यर्थः ॥ ४६ ॥ ४७ ॥
*मोचयन्ति ग्रहादिभ्यः पाशौघान्द्रावयन्ति च ।
मोचनं द्रावणं यस्मान्मुद्रास्ताः परिकीर्तिताः ॥