कबीरपंथी शब्दावली

(३३६)

कबीरपंथी—

पुरुष परमात्म चीन्हा ॥ ३ ॥ जरा मरणके संशय भेटे । सुरत
सन्तायन सतगुरु भेटे ॥ ४ ॥ कहहिँ कबीर हिरम्बर होई ॥
निरखि नाम निज सुमिरे सोई हो ॥ ५ ॥ १ ॥

अथ डोरी पद प्रारम्भः ।

चलाना चौकाका पद डोरी ॥ १ ॥

साखी-अबकी बार उबारिये, अर्जी दीन दयाल ।

जगमें कोई है नहीं, तुमरे सरिस कृपाल ॥ १ ॥

अबकी बार उबारिये, मेरी अर्जी दीन दयाल ॥ टेक ॥ आई
थी ओहि देशसे, भई परदेशी नारि । वह मारग मैं भूलियाँ,
बिसरि गई निज बारि ॥ १ ॥ युगन युगन भ्रमत फिरी, जमके हाथ
बिकाय । कर जोरे बिनती कहैं, मोहि मिलि बिछुड़ि जनि जाय ॥ २ ॥
विषम नदी विकराल है, बहुत कटरिया धार । मोह मगरके घाटमें,
खाये सुर नर झार ॥ ३ ॥ शब्द जहाज कबीरके सदगुरु खेवन हार ।
जो कोई हंसा आवई, पलमें लेहि उबार ॥ ४ ॥

साखी-चली पूतली लवणकी, थाह सिन्धुको लैन ।

आपे गलि पानी भई, उलटि कहे को बैन ॥ २ ॥

पद डोरी ॥ २ ॥

उनमुनि चढी अकाशमें, गई गगनमें छूट ।

हंस चला घर आपने, काल रहा शिर कूट ॥ ३ ॥

नाम सनेह न छाड़िये, भावे तन मन धन बर जाय ॥ टेक ॥
पानीसे पैदा किया, नख शिख अंग बनाय । उस साहिबको
बिसारिया, ( तेरो ) गाढमें होय सहाय ॥ १ ॥ महल चुने खाई
खने, ऊंचे ऊंचे धाम । जब यम बैठे कण्ठमें, कोह न आवे काम
॥ २ ॥ मातु पिता सुत बान्धवा, और दुलारी नारि । यह सब
हिलि मिलि बीछुडे, शोभा है दिन चारि ॥ ३ ॥ जैसे लागी