हर्षचरितम् (महाकवि बाणभट्ट - संस्कृत मूल एवं हिन्दी व्याख्या)

रांशुमाली। क्रमेण च मन्दायमाने मुकुलितबिसिनीविसरव्यसनविषण्ण-
सरसि वासरे, मधुमदमुदितकामिनीकोपकुटिलकटाक्षक्षिप्यमाण इव
क्षेपीयः क्षितिधरशिखरमवतरति तरुणतरकपिलपनलोहिते लोकैकचक्षुषि
भगवति, प्रस्रुतमुखमाहेयीयूथक्षरत्क्षीरधाराधवलितेष्वासन्नचन्द्रोदयोद्गा-
मक्षीरोदलहरीक्षालितेष्विव दिव्याश्रमोपशल्येषु, अपराह्नप्रचारचलिते
चामरिणि चामीकरतटताडनरणितरदने रदति सुरस्रवन्तीरोधांसि स्वैर-
मैरावते, प्रस्तूतानेकविद्याधराभिसारिकासहस्रचरणालक्तकरसानुलिप्त
इव प्रकटयति च तारापथे पाटलताम्, तारापथप्रस्थितसिद्धदत्तदिन-
करास्तमयार्ध्यावर्जिते रञ्जितककुभि, कुसुमभासि स्रवति पिनाकिप्रण-
तिमुदितसंध्यास्वेदसलिल इव रक्तचन्दनद्रवे, वन्दारुमुनिवृन्दारकवृन्द-
बध्यमानसंध्याञ्जलिवने, ब्रह्मोत्पत्तिकमलसेवागतसकजकमलाकर इव
राजति ब्रह्मलोके, समुच्चारिततृतीयसवनब्रह्मणि ब्रह्मणि, ज्वलितवैतान-
ज्वलनज्वालाजटालाजिरेष्वारब्धधर्मसाधनशिबिरनीराजनेष्विव सप्तर्षि-
मन्दिरेषु, अघमर्षणमुषितकिल्बिषविषगदोल्लाघलघुषु यतिषु संध्योपास-
नासीनतपस्विपङ्क्तिपूतपुलिने प्लवमाननलिनयोनियानहंसहासदन्तुरि-
तोर्मिणि मन्दाकिनीजले, जलदेवतातपत्रे पत्ररथकुलकलत्रान्तःपुरसौधे,
निजमधुमधुरामोदिनि कृतमधुपमुदि मुमुदिषमाणे कुमुद्वने, दिवसाव-
सानताम्यत्तामरसमधुरमधुसपीतिप्रीते सुषुप्सति मृदुमृणालकाण्डकण्डू-
यनकुण्डलितकंधरे धुतपक्षराजिविजितराजीवसरसि राजहंसयूथे, तटलता-
कुसुमधूलिधूसरितसरिति सिद्धपुरंध्रीधम्मिल्लमल्लिकागन्धग्राहिणि सायं-
तने तनीयसि निशानिःश्वासनिभे नभस्वति, (संकोचोदञ्चदुच्चकेसरको-
टिसंकटकुशेशयकोशकोटरकुटीशायिनि षट्चरणचक्रे, नृत्योद्भूतधूर्जटि-
जटाटवीकुटजकुङ्मलानिकरनिभे नभस्तलं स्तबकयति तारागणे, संध्या-
नुबन्धताम्रे परिणमत्तालफलत्वक्त्विषि कालमेघमेदुरे, मेदिनीं मीलयति
नववयसि तमसि तरुणतरतिमिरपटलपाटनपटीयसि समुन्मिषति यामि-
नीकामिनीकर्णपूरचम्पककलिकाकदम्बके प्रदीपप्रकरे, प्रतनुतुहिनकिरणकि-
रणलावण्यालोकपाण्डु न्याश्याननीलनीरमुक्तकालिन्दीकूलबालपुलिनायमाने
शातक्रतवे क्रशयति तिमिरमाशामुखे, खमुचि मेचकितविकचितकुवल-
यसरसि शशधरकरनिकरकचमहाविले विलीयमाने मानिनीमनसीव